سايلاۋ 2015: كانديدات ت. سىزدىقوۆ «استاناگازسەرۆيس» ج ش س ۇجىمىمەن كەزدەستى
كەزدەسۋ بارىسىندا كانديدات سىزدىقوۆ ءوزىنىڭ سايلاۋالدى تۇعىرناماسىنىڭ باستى باعىتتارىمەن تانىستىردى.
الدىمەن، ول قازاقستان كوممۋنيستىك حالىقتىق پارتياسىنىڭ قىزمەتى عىلىمي سوتسياليزم يدەيالارى، ماركستىك- لەنيندىك ءىلىم مەن پروگرەسسيۆتى قوعامدىق ويلارعا نەگىزدەلىپ قۇرىلعانىن اتاپ ءوتتى.
«ءبىز قوعامدىق دامۋدىڭ ءبىرتۇتاس ماتەرياليستىك تەورياسى رەتىندە ماركسيزم-لەنينيزمنىڭ عىلىمي جانە يدەولوگيالىق نەگىزدەرىنە سۇيەنىپ قىزمەت اتقارامىز.
العا قويىلعان ماقساتتارعا جەتۋ ءۇشىن ماركسيزم- لەنينيزمدى جانە قازاقستان كوممۋنيستىك حالىقتىق پارتياسىنىڭ باعدارلامالىق شارتتارى مەن ونىڭ قىزمەتىن ناسيحاتتاۋ قاجەت» - دەلىنگەن ت. سىزدىقوۆتىڭ سايلاۋالدى تۇعىرناماسىندا.
سونىمەن قاتار، تۇرعىن سىزدىقوۆ ءوزىنىڭ سايلاۋالدى تۇعىرناماسىنىڭ تاعى ءبىر قاعيداتى - باتىس مادەنيەتىنىڭ تەرىس ىقپالى جايىندا ماسەلە كوتەردى.
«رۋحانيلىقتىڭ ءمانىن تۇسىرەتىن باتىس قۇندىلىقتارى ماقساتتى تۇردە استامشىل تۇتىنۋشىلىق سانا قالىپتاستىرۋدا»، - دەپ اتاپ ءوتتى ءوز سوزىندە.
باتىستىڭ كەمشىلىكتەرى اسىرەسە مادەنيەت سالاسىندا انىق بايقالادى، سەبەبى تۇتىنۋشىلىق سانا، كوپ جاعدايدا، جەكە باستىڭ قامىن ءومىردىڭ ءمانى دەپ قاراستىرادى.
باتىستىق ادام بىرتىندەپ ادامگەرشىلىك قۇندىلىقتارىن جوعالتۋدا. كەز كەلگەن ادىسپەن اينالاسىنان ەرەكشەلەنىپ، وزىنە نازار اۋدارتقىسى كەلەدى. ادامنىڭ پسيحيكاسى مەن دەنساۋلاعىنا تىكەلەي قاۋىپ توندىرەتىن اقپاراتتىق ىقپالدار بار.
شەتەلدىك جاتتاندى تاقىرىپتار باق، كينوونىمدەر، ءتۇرلى تانىمال توك- شوۋلار جانە جۋرنالدار ارقىلى تارالۋدا. العاشقى بولىپ ءوزىنىڭ قۇندىلىعىن جانۇيا جانە نەكە ينستيتۋتتارى جوعالتۋدا. ءوز اتا- انالارىن قۇرمەتتەۋدەن باس تارتىپ، قاريالاردىڭ بالالارىمەن، نەمەرەلەرىمەن بايلانىسى ۇزىلەدى.
ت. سىزدىقوۆتىڭ ويىنشا، جانۇيالىق ءومىردىڭ مۇنداي كولەڭكەلى جاقتارى ولشەم جانە تەڭ قۇقىلىق رەتىندە بەرىلىپ جات ۇلگىلەر مەن ومىرلىك شارتتاردى كوزسىز كوشىرۋ اداميلىقتان اۋىتقۋعا، جەكەلەي ەنجارلىققا، ازاماتتىق نەمقۇرايدىلىققا اكەلەدى.
«ەۋروپالىق ەلدەردە تۇتىنۋشىلىق قوعام قۇرىلىمدارىنىڭ قالىپتاسۋىنان تۋىنداعىن باتىستىق مادەنيەت داعدارىسى باتىستىق وركەنيەتتىڭ امبەباپ قۇندىلىقتار مەن الەۋمەتتىك تۇرمىس- تىرشىلىك نورمالارىنا دەگەن نارازىلىقتارىنا قاراما- قايشى كەلۋدە»، - دەلىنگەن كانديداتتىڭ سايلاۋالدى تۇعىرناماسىندا.
باتىس قوعامىندا جاستاردى تاربيەلەۋدە جانۇيالىق- تۋىسقاندىق جانە ۇلتتىق ەرەكشەلىكتەر ەسكەرىلمەيدى. ەرەسەك جاسقا جەتىسىمەن باتىس جاستارى اتا- انالارىن تاستاپ ءوز الدارىنا تابىس تاۋىپ جانە جەكە ومىرلەرىن قۇرۋعا كىرىسەدى. وسىلاي ۇرپاقتىڭ ءبىر بىرىمەن بايلانىسى ءۇزىلىپ، رۋحاني- مورالدىق قۇلدىراۋعا ۇشىرايدى.
ءوزارا كومەك جانە قايىرىمدىلىق دەگەن باتىس قوعامىندا السىزدىكتى جانە اياققا تۇرا الماعاندىقتى بىلدىرەدى، ال ومىردە قيىن جاعدايعا تاپ بولعان ادام ولاردىڭ كوزىندە بەيشارا حالگە ءتۇسىپ، دەرەۋ ومىرلىك جارىستان شىعىپ قالادى.
سوندىقتان باتىس قوعامىندا جەتىستىككە جەتۋدىڭ تەورياسى قاتاڭ قولدانىلادى. بارلىق قادامدار قالاي دا جەتىستىككە جەتۋگە باعىتتالعان. كەز كەلگەن جەڭىلىس ادامدى بىردەن قۇزعا يتەرمەلەپ ادامعا ايىقپاس اۋىر سوققى بولىپ تيەدى. قاتىگەزدىك، بەيتاراپتىق پەن ساتقىندىق جەتىستىككە جەتۋدىڭ باستى مىندەتتەرىنە اينالعان. ونىڭ الدىندا قۇندىلىق، جانۇيا جانە دەنساۋلىق قۇرباندىققا شالىنادى.
قالعاندارى سابىرلىقتى ەسىرتكى زاتتارىنان، الكوگولدەن، ينتەرنەت- شىندىقتارىنان، ىزاعا تولى فيلمدەردەن، كومپيۋتەرلىك ويىنداردان، فاست- فۋدتان جانە گەندى- موديفيكاتسيالىق ونىمدەردەن ىزدەيدى. بۇل ونىمدەردىڭ كەز كەلگەنى ادام دەنساۋلىعىنا ەسىرتكىدەي اسەر ەتىپ، ادام اعزاسىنىڭ كۇيرەۋىنە بوي الدىرۋىنا جانە ۇنەمى كۇيزەلىستىككە ۇشىراتادى.
باتىس ادامىنىڭ بارلىق ارەكەتتەرى تەك ءوزىنىڭ جاعدايىن جاساۋعا عانا باعىتتالعان. ادام الەۋمەتتەن تىس، شىعارماشىلىق جانە ءتيىمدى ەڭبەككە ۇيىمداسا المايتىندىعى بۇرىننان بەلگىلى بولا تۇرا، قوعام اعىمنان تىسقارى قالۋدا.
جالپىعا بىردەي تەڭدىككە ۇمتىلۋ كەرى اسەرىن تيگىزۋدە، ادامدار جەكە تۇلعاعا ءتان قاسيەتتەرىن جوعالتۋدا. اتا- انالار وزدەرىن اكە نەمەسە انا دەپ ايتا المايدى، جاي عانا ساندىق رەتپەن بەلگىلەنەدى»، - دەپ اتاپ ءوتتى ت. سىزدىقوۆ.
بارلىق بۇل كورىنىستەر بىردەن پايدا بولمادى. مۇنىڭ بارلىعى ەنجارلىقتان، نەمقۇرايدىلىقتان كەلىپ تۋىندادى. الدىمەن تۇرعىنداردىڭ ساناسىنا ساتۋشىلاردىڭ اسىرەلەۋىمەن تۇتىنۋشىلىق ويلارى دەندەپ تاراتىلدى. ماركەتولوگتاردىڭ ۇندەۋىمەن ءومىر سۇرگەن ادام ويلاۋ جانە ساراپتاۋدان مۇلدەم ارىلدى. ول تەك اۆتوماتتى تۇردە ادەمى ءومىردىڭ نىشانى رەتىندە بەلگىلەنگەن زاتتاردى قولدانۋمەن شەكتەلەدى.
رۋحاني قۇندىلىقتار مۇنداي جۇيەدە تىسقارى قالاتىندىعى تۇسىنىكتى.
تۇتىنۋشىلىقتىڭ شىرقاۋ شەگى رەتىندە ءداستۇرلى جانۇيالىق قۇندىلىقتاردان جانە قالىپتى قوعامنىڭ شارتتارىنان شەگىنىسكە اكەلەدى، سەبەبى ولاردان ماتەريالدىق پايدا تابۋعا بولمايدى.
كەزدەسۋ سوڭىندا پرەزيدەنتتىككە كانديدات ت. سىزدىقوۆ جينالعانداردىڭ كەيبىر سۇراقتارىنا جاۋاپ بەردى جانە ءوزىنىڭ سايلاۋالدى جۇمىس جوسپارىمەن ءبولىستى.
سونداي- اق كەزدەسۋ بارىسىندا كانديداتتىڭ سايلاۋالدى شتابىنىڭ جەتەكشىسى ا. قوڭىروۆ جينالعان جۇرتتى سايلاۋالدى شتابتىڭ جۇمىسىمەن تانىستىردى.
«ءبىزدىڭ شتابتارىمىز كانديداتتى قولداۋ بويىنشا قاجەتتى اقپاراتتىق جانە ۇگىت جۇمىستارىن جۇرگىزۋدە. ولار ناسيحات ماتەريالدارىن تاراتۋ جانە حالىقپەن كەزدەسۋدى ۇيىمداستىرۋ جۇمىستارىن اتقارۋدا».
