سايلاۋ-2015: ق ر پرەزيدەنتتىگىنە كانديدات ءابىلعازى قۇسايىنوۆ اتىراۋلىقتارمەن كەزدەستى
جۇرتشىلىقپەن كەزدەسۋ بارىسىندا ءابىلعازى قۇسايىنوۆ جيىن قاتىسۋشىلارىن ەكولوگيانىڭ قازىرگى پروبلەمالارىن قوزعايتىن سايلاۋالدى تۇعىرناماسىنىڭ نەگىزگى باعىتتارىمەن تانىستىردى.
ءا. قۇسايىنوۆ اتاپ وتكەندەي، بۇگىندە ەكولوگيا عىلىمىنا بيولوگيانىڭ ءبىر سالاسى دەپ قاراماي، وعان الدەقايدا تەرەڭنەن بويلاۋ قاجەت. ەكولوگيا ادام مەن قورشاعان ورتانىڭ قارىم- قاتىناسىن زەرتتەيتىن ءپانارالىق عىلىمعا اينالۋى ءتيىس.
«جەر جۇزىندە ادام پايدا بولىپ، ونىڭ وركەنيەتى وسكەن سايىن، بيوسفەرا ەۆوليۋتسياسىندا جاڭا - انتروپوگەندىك فاكتور ىسكە قوسىلدى. ادام بيوسفەرانى جەكە قاجەتتىلىكتەرىن قاناعاتتاندىرۋ ءۇشىن پايدالانا باستادى.
الايدا، قورشاعان ورتانى قانشالىقتى وزگەرتۋگە تىرىسقانىمىزبەن، جەر بەتىندەگى تىرشىلىك تابيعاتتىڭ قاتاڭ زاڭىنا باعىنىپ داميدى. سوندىقتان، ادامزات وركەنيەتى تۇراقتى دامۋ ءۇشىن وسى زاڭدار مەن قاعيدالاردان اۋىتقىماۋى كەرەك.
تابيعاتپەن ۇيلەسىمدى ءومىر ءسۇرۋ - ادامنىڭ جەر بەتىندەگى ءومىر سالتىنىڭ نەگىزگى قاعيداسى»، - دەپ اتاپ ءوتتى ءابىلعازى قۇسايىنوۆ.
ونىڭ ايتۋىنشا، عىلىم، تەحنيكا مەن تەحنولوگيانىڭ ساپالى جاڭا بايلانىسىن قالىپتاستىرعان ⅩⅩ عاسىر قوعامنىڭ تابيعاتقا اسەر ەتۋ كۇشىن ارتتىرىپ، ادامزاتقا ءبىرقاتار وزەكتى ءارى وتكىر مىندەتتەر جۇكتەدى.
سول سەبەپتى، ءا. قۇسايىنوۆتىڭ پىكىرىنشە، تابيعات قويناۋىن ءتيىمدى ءارى جوسپارلى پايدالانۋ، قورشاعان ورتانى لاستانۋدان قورعاۋ، مەملەكەتتىك باقىلاۋدىڭ جوسپارلى جۇيەسىن ەنگىزۋ ءار ازاماتتىڭ باستى مىندەتىنە اينالۋى ءتيىس.
ءا. قۇسايىنوۆتىڭ سايلاۋالدى تۇعىرناماسىنىڭ تاعى ءبىر ماڭىزدى باعىتى - ونەركاسىپتىك قاۋىپسىزدىك ماسەلەلەرى.
كانديداتتىڭ ايتۋىنشا، ونەركاسىپتىك قاۋىپسىزدىك دەگەنىمىز - ءونىم مەن ءوندىرىستىڭ قاۋىپسىزدىگى تۋرالى، كوپ دەڭگەيلى ستاندارتتاۋ مەن سەرتيفيكاتتاۋ تۋرالى تەحنيكالىق رەگلامەنتتەردى، نورمالاردى قاتاڭ ۇستانۋ.
«مەنىڭ ماقساتىم - وسى نورمالاردىڭ اشىق جانە دۇرىس ورىندالۋىنا قول جەتكىزۋ.
قاۋىپتى وندىرىسپەن اينالىساتىن بارلىق ۇيىمدار ءوز جۇمىسشىلارىنىڭ، نىساندارى مەن قورشاعان ورتانىڭ قاۋىپسىزدىگىنە جاۋاپتى بولى كەرەك.
بارلىق كاسىپورىندار ءوز جۇمىستارىن قورشاعان ورتاعا ىقپالى مەيىلىنشە از بولاتىنداي ەتىپ جۇرگىزۋلەرى كەرەك»، - دەپ قورىتتى ءابىلعازى قۇسايىنوۆ.
سونىمەن قاتار، قالا جۇرتشىلىعى الدىندا ايماقتىق شتاب جەتەكشىسى سادىرجان جەكەنوۆ ءسوز سويلەدى.
س. جەكەنوۆ ەكولوگيالىق تۇيتكىلدەردىڭ وزەكتىلىگىنە توقتالىپ، ەكولوگيالىق پروبلەمالاردى دەر كەزىندە شەشۋ قاجەتتىگىن اتاپ ءوتتى.
«ءبىز تۋىنداعان ەكولوگيالىق سىن- قاتەرلەرگە دەر كەزىندە تويتارىس بەرىپ، قورشاعان ورتانىڭ لاستانۋى، سۋ مەن توپىراقتىڭ قۇنارسىزدانۋى سىندى ماسەلەلەردى تەز ارادا شەشۋىمىز كەرەك. ەڭ باستىسى، بۇل پروبلەمالاردىڭ تۋىنداۋىنا جول بەرمەۋ ماڭىزدى. بۇل جەردە ازاماتتاردىڭ ءوزى دە سانالى تۇردە تۇسىنىستىك تانىتۋلارى قاجەت.
سونىمەن قاتار، ەكولوگيالىق- اعارتۋشىلىق قىزمەتكە دە ەرەكشە نازار بولگەن ءجون.
ءبىز ەكولوگيا تۋرالى ءبىلىمدى، ءقاۋىپسىز ءارى ەكولوگيلىق تازا ورتادا ءومىر ءسۇرۋ قاعيدالارىن، تابيعات پەن ادامزاتتى قورشاعان اينالا تۋرالى ءبىلىمدى قوعام ساناسىنا سىڭىرە ءبىلۋىمىز كەرەك»، - دەپ اتاپ ءوتتى س. جەكەنوۆ.
