سايلاۋ-2015: كانديدات ن. نازاربايەۆتىڭ ر ق ش مۇشەلەرى اتىراۋ وبلىسى جۇرتشىلىعىمەن كەزدەستى - فوتو
بۇل جەردە ولار ۇلت كوشباسشىسى جاقتاستارىنىڭ فورۋمىنا قاتىستى، وبلىس بەلسەندىلەرىمەن، اتىراۋ مۇناي وڭدەۋ زاۋىتى (ا م ءو ز) مەن «شيەۆرون مۇناي گازينك» كومپانياسىنىڭ قىزمەتكەرلەرىمەن كەزدەستى.
دەلەگاتسيا قۇرامىندا - رەسپۋبليكالىق قوعامدىق شتاب جەتەكشىسى مۇحتار قۇل- مۇحاممەد، «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك، ق ر پارلامەنتىنىڭ دەپۋتاتتارى، بەلگىلى قوعام قايراتكەرلەرى، سونداي- اق، مادەنيەت پەن ونەر سالاسىنىڭ وكىلدەرى بار.
الداعى سايلاۋدا ەلباسىعا ءوز قولداۋلارىن ءبىلدىرۋ ءۇشىن «جايىق» سپورت سارايىنا وبلىستىڭ مىڭداعان تۇرعىندارى جينالدى. سويلەگەن سوزدەرىندە ولار قازاقستاننىڭ تابىستى دامىپ جاتقانى ءۇشىن مەملەكەت باسشىسىنا العىس ءبىلدىردى.
ودان ءارى سالتانات سارايىندا ر ق ش مۇشەلەرىنىڭ اتىراۋ وبلىسىنىڭ ەڭبەك ارداگەرلەرىمەن كەزدەسۋى بولدى.
ەڭبەك سىڭىرگەن مادەنيەت قايراتكەرى، ءوڭىردىڭ قۇرمەتتى تۇرعىنى ءىليا جاقانوۆ ءوز سوزىندە مەملەكەت باسشىسى ساياساتىنىڭ الەۋمەتتىك- ەكونوميكالىق قانا ەمەس، سونداي- اق مادەني سالاداعى تابىستى دامۋعا دا باعىتتالعانىن قاداپ ايتتى.
«مەملەكەت باسشىسىنىڭ باستاماسىمەن «مادەني مۇرا» باعدارلاماسى ىسكە اسىرىلدى، سونىڭ ارقاسىندا الەمدەگى ءتۇرلى كىتاپحانالار مەن مۇراعاتتاردان، ءبىزدىڭ ەلىمىز ءۇشىن ەرەكشە ماڭىزى زور بىرەگەي جادىگەرلەر تابىلىپ، قازاقستانعا اكەلىندى»، - دەدى ءىليا جاقانوۆ.
ءوز كەزەگىندە ەڭبەك ارداگەرى ليۋبوۆ موناستىرسكايا بۇگىنگى قازاقستاندىقتاردىڭ - ىنتىماعى جاراسقان ءبىر ۇلكەن وتباسى بولۋىنا، نۇرسۇلتان نازاربايەۆتىڭ ارقاسىندا دۇنيەگە كەلگەن قازاقستان حالقى اسسامبەياسىنىڭ اتقارىپ جاتقان قىزمەتىنىڭ زور ەكەنىن اتاپ ءوتتى.
«اسسامبلەيانىڭ ءار سەسسياسىندا، ءار فورۋمىندا ءبىزدىڭ ەلباسىمىز بەيبىتشىلىكتى، كەلىسىم مەن حالىقتاردىڭ بىرلىگىن ۇنەمى جاقتاۋمەن كەلەدى. ءبىزدىڭ بارىمىزگە - كوشباسشىمىز نۇرسۇلتان ءابىش ۇلى نازاربايەۆتىڭ ماڭايىنا توپتاسقان - ءبىر ۇلت ەكەنىمىزدى ءتۇسىنۋدىڭ ماڭىزى زور»، - دەدى ليۋبوۆ موناستىرسكايا.
تۇستەن كەيىن ر ق ش مۇشەلەرى اتىراۋ مۇناي وڭدەۋ زاۋىتى قىزمەتكەرلەرىمەن جۇزدەستى. ۇجىمنىڭ اتىنان زاۋىت قىزمەتكەرى ءالفيا گۋمەروۆا ءسوز سويلەدى. ول ەڭبەك ادامىنىڭ قاجەتتىلىگىن مەملەكەت باسشىسىنىڭ بىرەۋلەردەن ەستۋ ارقىلى عانا بىلمەيتىنىن جانە ەلىمىزدەگى بارلىق ەڭبەككەرلەردىڭ ونىڭ قامقورلىعىن سەزەتىنىن اتاپ ءوتتى.
«ەلباسى ءبىزدىڭ ايماقتىڭ دامۋىنا ءارقاشاندا ەرەكشە كوڭىل ءبولدى. بۇگىنگى كۇنى ءبىزدىڭ زاۋىتتا ەكى كولەمدى ينۆەست جوبا - حوش يىستەلگەن كومىرسۋتەگى ءوندىرۋ جانە تەرەڭدە وڭدەلەتىن مۇناي ونىمدەرىن ءوندىرۋ ىسكە اسىرىلۋدا. زاۋىت زاماناۋي ۇلگىلەر بويىنشا جابدىقتالعان، جاڭا تەحنولوگيالار ەنگىزىلۋدە. ءبىزدىڭ ايماققا كوپتەگەن ميلليارد ينۆەستيتسيالار تارتقان نۇرسۇلتان نازاربايەۆ بولماعاندا، وسىنىڭ ءبىرى دە بولماس ەدى»، - دەپ اتاپ ايتتى ءا. گۋمەروۆا.
زاۋىت جۇمىسشىلارى دا ەڭبەك ادامىن قولداعانى ءۇشىن ەلباسىنا العىس ايتتى.
«ءوندىرىس سەحىنىڭ جۇمىسشىسى رەتىندە مەن جىل سايىن بىزدە جاڭا جۇمىس ورىندارىنىڭ پايدا بولۋىنىڭ، ەڭبەك جاعدايىنىڭ جاقسارۋىنىڭ، جەتىستىكتەرمىزدىڭ ارتۋىنىڭ كۋاسىمىن. وسىنىڭ ءبارى ءبىزدىڭ ەرتەڭگى كۇنگە دەگەن سەنىمىمىزدى ارتتىرادى، سوندىقتان دا مەن ءوز وتباسىمنىڭ يگىلىگى ءۇشىن، ياعني، ەلىمىزدىڭ يگىلىگى ءۇشىن ەڭبەك ەتەمىن جانە مەنىڭ ەلىمنىڭ گۇلدەنە ءتۇسۋى ءۇشىن ەلباسىنا داۋىس بەرەمىن!»، - دەدى اتىراۋ مۇناي ءوندىرۋ زاۋىتىنىڭ حوش يىستەلگەن كومىرسۋتەگى ءوندىرۋ كەشەنىنىڭ وپەراتورى قاسيەت لۇقپانوۆ.
كەزدەسۋلەر بارىسىندا اتىراۋ وبلىسىنىڭ حالقى الداعى سايلاۋدا وزدەرىنىڭ نۇرسۇلتان نازاربايەۆقا داۋىس بەرەتىندەرىن ءبىراۋىزدان مالىمدەدى.
