سايلاۋ-2015: كانديدات ن. نازاربايەۆتىڭ ر ق ش مۇشەلەرى قىزىلوردا وبلىسىنىڭ تۇرعىندارىمەن كەزدەستى
دەلەگاتسيا قۇرامىندا ق ر پرەزيدەنتتىگىنە كانديدات ن. ءا. نازاربايەۆتىڭ رەسپۋبليكالىق قوعامدىق شتابىنىڭ جەتەكشىسى مۇحتار قۇل- مۇحاممەد، قازاقستاننىڭ «اۋىل» سوتسيال- دەموكراتيالىق پارتياسىنىڭ ءتوراعاسى عاني قاليەۆ، ق ر پارلامەنتى ءماجىلىسىنىڭ دەپۋتاتتارى، ۇ ە ۇ، عىلىمي جانە شىعارماشىل زيالى قاۋىم وكىلدەرى، بەلگىلى قوعام جانە مادەنيەت قايراتكەرلەرى، سپورتشىلار بار.
قىزىلوردا وبلىسىنىڭ اكتيۆىمەن كەزدەسۋ نارتاي بەكەجانوۆ اتىنداعى دراما تەاتر عيماراتىندا ءوتتى. سىر ءوڭىرىنىڭ تۇرعىندارى ايماقتىڭ دامۋىنا ەلباسىنىڭ ەرەكشە ەڭبەك سىڭىرگەنىن اتاپ ءوتتى.
مەملەكەت جانە قوعام قايراتكەرى سەيىلبەك شاۋحامانوۆ ارال تەڭىزىن قۇتقارۋ بويىنشا پرەزيدەنتتىڭ جاساعان ەڭبەگىنە وبلىس تۇرعىندارىنىڭ ءدان ريزا ەكەندىگىن جەتكىزدى.
«نۇرسۇلتان نازاربايەۆتىڭ تاپسىرماسى بويىنشا سالىنعان بوگەتتىڭ ارقاسىندا سۋ قويماسىنداعى سۋدىڭ دەڭگەيى 12 مەترگە كوتەرىلدى، ال ارال قالاسى مەن تەڭىز اراسىنداعى اراقاشىقتىق 100 دەن 20 شاقىرىمعا دەيىن قىسقاردى. وڭىردە بالىق شارۋاشىلىعى قايتادان جاندانا باستادى»، - دەدى س. شاۋحامانوۆ.
«توقسانىنشى جىلدارى ارال پروبلەماسى بۇكىل الەمدىك قوعامداستىقتى تولعاندىردى، ءبىراق مەملەكەت باسشىسى تۇتاس ءبىر ءوڭىردى قۇتقارىپ، ونىڭ جاڭا ومىرىنە دەم بەردى»، - دەپ اتاپ ءوتتى «ارال بالىق» زاۋىتىنىڭ جۇمىسكەرى ايشاباق ءبايتىموۆا.
سونداي- اق ر ق ش مۇشەلەرى ۆاگون جوندەۋ دەپوسىندا بولدى.
«جەزقازعان- سەكسەۋىل- بەينەۋ» ستراتەگيالىق جوباسى - تەمىرجول تاريحىنا التىن ارىپپەن جازىلعان جوبا. كەزىندە وسى اراقاشىقتىقتى قوسۋ ارمان عانا ەدى. بۇگىندە ەلباسى وسى ارماندى جۇزەگە اسىردى. «سەكسەۋىل- قوسكول» تەمىر جولى 363 ادامدى جۇمىسپەن قامتاماسىز ەتىپ وتىر. سونىڭ ىشىندە مەن دە بارمىن، جاس مامان رەتىندە سەكسەۋىل ستانساسىندا جاس جۇمىسشىلارعا ارناپ سالىنعان جاڭا ۇيدەن پاتەر الدىم. جاڭا ماگيسترالدار - تاۋەلسىزدىگىمىزدىڭ ۇلكەن جەتىستىگى، بۇل ەلباسىنىڭ ەڭبەگى!» - دەدى جاس تەمىرجولشى نۇرلان ورەكەشيەۆ.
كەزدەسۋدە اۆتوجولشىلار اتىنان «قازج ول جوبا» ج ش س جۇمىسشىسى يۋريي نەمچەنكو ءسوز الدى. ول «باتىس ەۋروپا - باتىس قىتاي» مەگاجوباسى مەن « قىزىلوردا - جەزقازعان» اۆتوجولىنىڭ ءوڭىر ءۇشىن تاريحي ءرولى تۋرالى اڭگىمەلەپ بەردى.
«نۇرسۇلتان نازاربايەۆتىڭ باستاماسىمەن جۇزەگە اسىرىلعان ءوزىنىڭ اۋقىمى بويىنشا تەڭدەسى جوق جوبالار مىڭداعان قىزىلوردالىقتارعا جۇمىس تاۋىپ بەردى، سونداي- اق ەڭ باستىسى ولار ناعىز ء«ومىر جولىنا»، تۇتاس ءبىر وبلىستىڭ «اسىراۋشىسىنا» اينالدى»، - دەپ توقتالدى يۋ. نەمچەنكو.
تۇستەن كەيىن ر ق ش مۇشەلەرى ايماق فەرمەرلەرىمەن كەزدەستى. ولار اگرارلىق سەكتورعا قولداۋ كورسەتكەنى ءۇشىن مەملەكەت باسشىسىنا العىس ءبىلدىردى.
«بۇگىنگى كۇنى اۋىلداعىلار ءوز بولاشاعىنا كامىل سەنەدى، ويتكەنى ءوز بيزنەسىڭدى دامىتۋ ءۇشىن بارلىق جاعداي جاسالعان، شارۋالار ەگىن ەگىپ، مال شارۋاشىلىعىن دامىتىپ، ەرتەڭگى كۇنىنە، وزدەرىنىڭ كوشباسشىسىنا سەنىممەن قارايدى، ويتكەنى ەلباسىنىڭ ساياساتى جاسامپازدىق پەن جەتىستىككە باعىتتالعان»، - دەپ اتاپ ءوتتى سويلەگەن سوزىندە جالاعاش اۋدانىنىڭ فەرمەرى ءالىبي بەكجانوۆ.
قىزىلوردا وبلىسىنىڭ تۇرعىندارى 26 - ءساۋىر كۇنى ۇلت كوشباسشىسىنا داۋىس بەرەتىندىكتەرىنە سەندىردى، ويتكەنى نۇرسۇلتان نازاربايەۆ قازاقستاننىڭ تۇراقتىلىعى مەن گۇلدەنۋىنىڭ كەپىلى بولىپ تابىلادى.
