سايلاۋ-2015: پرەزيدەنتتىككە ۇمىتكەر ت. سىزدىقوۆتىڭ ايماقتىق شتابتارى ۇگىت- ناسيحات جۇمىستارىن بەلسەندى جالعاستىرۋدا

استانا. قازاقپارات - ق ك ح پ ۇسىنعان ق ر پرەزيدەنتتىگىنە ۇمىتكەر تۇرعىن سىزدىقوۆتىڭ ايماقتىق سايلاۋالدى شتابتارى سايلاۋشىلار اراسىندا ۇگىت- ناسيحات جۇمىستارىن بەلسەندى جالعاستىرۋدا.

بۇگىن كانديداتتىڭ باتىس قازاقستان وبلىسىنداعى سايلاۋالدى شتابى وتكىزگەن جانە جوسپارلانعان ءىس- شارالارى تۋرالى بايانداپ بەردى.

«ەڭ الدىمەن، ءبىز باستى نازارىمىزدى وبلىستىڭ اۋداندىق ەلدى مەكەندەرىنە، ونىڭ ىشىندە وبلىس ورتالىعىنان الشاق جاتقان اۋىلدارعا اۋدارىپ، جۇمىستارىمىزدى سولارعا يكەمدەپ قۇردىق. سەبەبى ەلىمىزدەگى ءاربىر ازامات پارتيامىز ناسيحاتتاپ وتىرعان ماركسيزم- لەنينيزم يدەياسىن ءبىلۋى كەرەك. ۇگىت ماتەريالدارى - پلاكاتتار مەن پاراقشالار كەڭىنەن تاراتىلىپ جاتىر. وندا كوممۋنيزمنىڭ نەگىزگى يدەيالارى كورىنىس تاپقان»، - دەدى پارتيانىڭ وبلىستىق كوميتەتىنىڭ جەتەكشىسى س. يارلىگاسيموۆ.

«ماركسيزم - بىزدەر، كوممۋنيستەر ءۇشىن، قورشاعان ورتا وزگەرگەن سايىن ۇنەمى جەتىلىپ وتىراتىن شىعارماشىلىق عىلىم. ونىڭ قالىپتاسقان قاعيدالارى مەن يدەيالارى كۇنى بۇگىنگە دەيىن وزەكتىلىگى مەن ماڭىزدىلىعىن جويعان جوق. ءبىز العا قويعان ماقساتتارىمىزعا قول جەتكىزۋ ءۇشىن ماركسيزم- لەنينيزمدى جانە ق ك ح پ باعدارلامالىق جوسپارىن جان- جاقتى ناسيحاتتايتىن بولامىز»، - دەپ سايلاۋالدى تۇعىرنامادان ءۇزىندى كەلتىردى وبلىستىق كوميتەت جەتەكشىسى.

- سونداي-اق، پارتيا قىزمەتكەرى باتىستىق قۇندىلىقتاردىڭ كەرى اسەرىن نازاردان تىس قالدىرمادى. بۇل ماسەلە دە ت. سىزدىقوۆتىڭ سايلاۋالدى ۇگىت-ناسيحات ناۋقانىنىڭ نەگىزىنە ەنگەن تاقىرىپ: «ەۋروپالىق ەلدەردە تۇتىنۋشىلىق قوعام قۇرىلىمدارىنىڭ قالىپتاسۋىنان تۋىنداعان باتىستىق مادەنيەت داعدارىسى باتىستىق وركەنيەتتىڭ امبەباپ قۇندىلىقتار مەن الەۋمەتتىك تۇرمىس-تىرشىلىك نورمالارىنا دەگەن نارازىلىقتارىنا قاراما- قايشى كەلۋدە.

باتىس مادەنيەتى بيزنەسكە اينالىپ، ماتەريالدىق پايدا ىزدەگەن ماقسات ونىڭ باستى شارتى بولدى.

اقىلعا قونىمسىز باتىستىق باسسىزدىق پەن جالعان جاسامپازدىق عاسىرلار بويى قالىپتاسىپ، تارتىپكە اينالعان ادامگەرشىلىك قاسيەتتەردى كولەڭكەگە ىسىرىپ بارادى».

ءوز كەزەگىندە ت. سىزدىقوۆتىڭ اتىراۋ وبلىسىنداعى سايلاۋالدى شتابىنىڭ جەتەكشىسى ە. داۋلەتقاليەۆ ايماقتا ۇگىت- ناسيحات ناۋقانى قىزۋ قارقىن العانىن اتاپ ءوتتى.

«ءبىز ايماق جۇرتشىلىعىمەن، ونىڭ ىشىندە شالعاي اۋدانداردىڭ تۇرعىندارىمەن كەزدەسۋ وتكىزىپ، ولارعا ۇگىت ماتەريالدارىن تاراتىپ جاتىرمىز. كانديداتىمىزدىڭ سايلاۋالدى تۇعىرناماسىنىڭ نەگىزگى باعىتتارىمەن تانىستىردىق»، - دەدى كانديداتتىڭ سەنىمدى تۇلعاسى.

ونىڭ ايتۋىنشا، ۇگىت جۇمىستارىندا ينتەرنەتتە الەۋمەتتىك جەلىلەردىڭ مۇمكىندىكتەرى مولىنان پايدالانىلۋدا. وندا ق ك ح پ وتكىزگەن ءىس- شارالار تۋرالى ماتەريالدار جاريادانادى.

«بۇقارالىق اقپارات قۇرالدارىمەن تىعىز بايلانىس ورناتقانىمىزدى اتاپ وتكىم كەلەدى. جۋرناليستەر ءبىزدىڭ ءىس- شارالارىمىزعا بەلسەندى قاتىسىپ، سايكەس ماتەريالدارىن گازەتتەردە جاريالاپ، تەلەارنالاردا كورسەتىپ جاتىر»، - دەدى ول.

«جالپى العاندا، ق ك ح پ ۇسىنعان پرەزيدەنتتىككە ۇمىتكەردىڭ ايماقتىق شتابى ءوز جۇمىسىندا ەشقانداي قيىندىق كورىپ وتىرعان جوق»، - دەپ قورىتتى ە. داۋلەتقاليەۆ.