سايلاۋ-2015: شىمكەنتتە كانديدات ن. نازاربايەۆتىڭ جاقتاستارىنىڭ فورۋمى ءوتتى
شىمكەنتتە ر ق ش مۇشەلەرى ۇلت كوشباسشىسى جاقتاستارىنىڭ فورۋمىنا قاتىستى، تۇركىستان قالاسىنىڭ جۇرتشىلىعىمەن، كەنتاۋ ترانسفورماتار زاۋىتىنىڭ جۇمىسكەرلەرىمەن كەزدەستى.
دەلەگاتسيا قۇرامىندا رەسپۋبليكالىق قوعامدىق شتاب جەتەكشىسى مۇحتار قۇل- مۇحاممەد، قازاقستاننىڭ «اۋىل» سوتسيال- دەموكراتيالىق پارتياسىنىڭ ءتوراعاسى عاني قاليەۆ، ق ر پارلامەنتى ءماجىلىسىنىڭ دەپۋتاتتارى، ۇ ە ۇ وكىلدەرى، ەڭبەك سىڭىرگەن مادەنيەت قايراتكەرلەرى، ايگىلى سپورتشىلار مەن ارتىستەر بار.
شىمكەنتتەگى «مۇز سارايىندا» ۇلت كوشباسشىسى جاقتاستارىنىڭ فورۋمى ءوتىپ، وعان ءۇش مىڭنان استام وڭتۇستىك قازاقستاندىق قاتىستى. فورۋمنىڭ قاتىسۋشىلارى ءبىراۋىزدان مەملەكەت باسشىسى نۇرسۇلتان نازاربايەۆقا قولداۋ ءبىلدىردى جانە 26 - ساۋىردە وزدەرىنىڭ كۇشتى كوشباسشى، ياعني، نۇرسۇلتان ءابىش ۇلى نازاربايەۆقا داۋىس بەرەتىندەرىن مالىمدەدى.
وبلىستاعى سلاۆيان ەتنومادەني ورتالىعىنىڭ ءتوراعاسى يۋريي كيريۋحين ءوز سوزىندە، بۇگىنگى تاڭدا ءتۇرلى سالاداعى ەلىمىزدىڭ تابىستارىن قازاقستاندىقتاردىڭ ۇلت كوشباسشىسى ن. ءا. نازاربايەۆتىڭ ەسىمىمەن بايلانىستىراتىندارىنا توقتالدى. .
«بۇل وتە لايىقتى باعا. جانە بۇگىنگى تاڭداعى ءاربىر قازاقستاندىقتىڭ پارىزى، الەۋمەتتىك- ەكونوميكالىق دامۋداعى وڭ ناتيجەلەرگە جەتۋگە بارىنشا ىقپال ەتۋ، سوندىقتان دا بۇل جۇمىستى ءار ءتۇرلى دەڭگەيدە ءبىزدىڭ مەملەكەتىمىزدىڭ مۇددەسىن قورعاي بىلەتىن ەلباسىعا سەنىپ تاپسىرۋ دۇرىس بولادى!» ، - دەدى ءوزىنىڭ سويلەگەن سوزىندە يۋ. كيريۋحين.
تۇركىستاندا ر ق ش مۇشەلەرى قوعام وكىلدەرىمەن جۇزدەستى. باتىر- انا تاتيانا ساۋرىنبايەۆا ءوز جەرلەستەرىنىڭ اتىنان ەلباسىعا العىس ايتتى، ول رەسپۋبليكامىزدىڭ تابىستى الەۋمەتتىك ساياساتىنىڭ تىكەلەي مەملەكەت باسشىسى ن. ءا. نازاربايەۆتىڭ ەڭبەگى ەكەنىن اتاپ ءوتتى. ونىڭ ءسوزىن فيزيكا ءپانىنىڭ ءمۇعالىمى ءزۇبايرا سۇلەيمەنوۆا دا قولدادى.
«جاۋىنگەر- ينتەرناتسيوناليستىڭ جۇبايى رەتىندە مەن بەيبىتشىلىك پەن كەلىسىمنىڭ قۇنىن، ۇستاز جانە انا رەتىندە، بالالارىمىزدىڭ دامۋى ءۇشىن جاعداي جاساۋ بويىنشا ىستەلىپ جاتقان شارالاردىڭ قانشالاقتى ماڭىزدى ەكەنىن جاقسى بىلەمىن. «سەرپىن» باعدارلاماسىنىڭ ارقاسىندا مەنىڭ ۇلدارىمنىڭ ءبىرى تەگىن نەگىزدە جوعارى ءبىلىم الۋدا. تۇراقتىلىق پەن بەيبىتشىلىكتەن ماڭىزدى ەشتەڭە دە جوق، ءبىزدىڭ ەلىمىز وعان ەلباسىنىڭ دانا ساياساتىنىڭ ارقاسىندا قول جەتىپ وتىر» ، - دەپ اتاپ ءوتتى ءزۇبايرا سۇلەيمەنوۆا.
ر ق ش مۇشەلەرى كەنتاۋ قالاسىندا بولىپ، وندا ترانسفورماتار زاۋىتىنىڭ ۇجىمىمەن كەزدەسۋ وتكىزدى. كەزدەسۋ بارىسىندا زاۋىتتىڭ ينجەنەر- كونسترۋكتورى ادىلبەك تاجىبايەۆ ءوزىنىڭ كاسىبي جولىن تاڭداۋعا تەحنيكالىق ماماندىقتاردى يگەرۋ قاجەتتىلىگى تۋرالى مەملەكەت باسشىسىنىڭ ۇندەۋىنىڭ سەبەپشى بولعانىن تىلگە تيەك ەتتى.
«الماتىداعى ق. ساتبايەۆ اتىنداعى قازۇتۋ ءتامامداي سالىسىمەن، مەن ترانسفورماتور زاۋىتىنا كەلدىم. بۇگىنگى تاڭدا زاۋىت ينفراقۇرىلىمىنىڭ %90 الەمدىك ۇلگىلەرگە جاقىنداعان، جىل سايىن كورسەتكىشتەرىمىز وسۋدە. وسىنىڭ ءبارى دە مەملەكەت باسشىسىنىڭ وندىرىستىك سەكتوردى قولداۋىنىڭ ارقاسىندا بولىپ جاتىر. مەملەكەتتى باسقارۋ - وڭاي مىندەت ەمەس، ول اركىمنىڭ قولىنان كەلە بەرمەيدى، ءبىراق بۇل مىندەتتى ءبىزدىڭ ەلباسىمىز تابىستى ىسكە اسىرۋدا! ءبىز، جاستار، نۇرلى بولاشاقتى جاقتايمىز جانە ول بولاشاقتىڭ ەلباسىمەن بىرگە بولعانىن قالايمىز!» ، - دەدى ادىلبەك تاجىبايەۆ.
كەزدەسۋ بارىسىندا وڭتۇستىك- قازاقستان وبلىسىنىڭ تۇرعىندارى ۇلت كوشباسشىسى ن. ءا. نازاربايەۆقا ءبىراۋىزدان قولداۋ ءبىلدىردى.
