سايلاۋ-2015: پرەزيدەنتتىككە كانديدات ءا. قۇسايىنوۆتىڭ شقو جانە قوستاناي وبلىستارىنداعى ايماقتىق شتابتارى بەلسەندى جۇمىس جاساۋدا
شىعىس قازاقستان وبلىسىندا ۇگىت- ناسيحات ماتەريالدارىن ىلۋگە ارنالعان 33 نۇكتەگە 4 مىڭ ءۇنپاراق ورنالاستىرۋ كوزدەلگەن.
پرەزيدەنتتىككە ۇمىتكەر ءا. قۇسايىنوۆتىڭ شىعىس قازاقستان وبلىسىنداعى ايماقتىق سايلاۋالدى شتابىنىڭ جەتەكشىسى نازگۇل احمەتقاليەۆا: «شتاب قىزمەتكەرلەرى اقپاراتتىق- ناسيحاتتىق ماتەريالداردى ارنايى بەلگىلەنگەن جەرلەرگە ىلۋدە. ونداي ورىندار بارلىق قالالاردا، اۋدان جانە اۋىلدىق وكرۋگتەردە بار. ورنالاستىرىپ، اپتا سايىن تەكسەرىپ وتىرادى. سونداي- اق ولار جەرگىلىكتى حالىقپەن كەزدەسۋلەر ۇيىمداستىرادى. «ۇيدەن ۇيگە» دەگەن جاقسى اكتسيا بار. كانديداتىمىزدىڭ سايلاۋالدى باعدارلاماسىن ءۇيدى- ۇيگە بارىپ تۇسىندىرەمىز» ، - دەدى.
ق ر پرەزيدەنتتىگىنە كانديدات ءا. قۇسايىنوۆتىڭ وسكەمەن قالاسىنداعى سەنىمدى تۇلعاسى مارينا تاراسەنكو قالا جۇرتشىلىعى سايلاۋ ناۋقانىنا قاتىستى ازاماتتىق بەلسەندىلىك تانىتىپ وتىرعانىن اتاپ ءوتتى.
قوستاناي وبلىسىندا ايماقتىڭ 30 عا جۋىق بەلسەندى ازاماتى كۇن سايىن ۇگىت- ناسيحات جۇمىستارىن جۇرگىزۋدە. ولار جەرگىلىكتى حالىققا ەكولوگيالىق قاۋىپسىزدىك پەن قورشاعان ورتانى قورعاۋ قاعيدالارىنا نەگىزدەلگەن كانديداتتىڭ سايلاۋالدى تۇعىرناماسىنىڭ نەگىزگى باعىتتارىن تۇسىندىرۋمەن اينالىسادى.
ق ر پرەزيدەنتتىگىنە كانديدات ءا. قۇسايىنوۆتىڭ قوستاناي وبلىسىنداعى سايلاۋالدى شتابىنىڭ جەتەكشىسى باۋىرجان تيبەيەۆتىڭ ايتۋىنشا، ۇگىت جۇمىستارى تەك وبلىس ورتالىعىن عانا ەمەس، سونداي- اق اۋدان ورتالىقتارىن دا قامتىپ وتىر.
سايكەسىنشە، ءار اۋدان ورتالىعىندا وسى جۇمىستاردى جۇرگىزەتىن سەنىمدى تۇلعالار بار. ۇگىت ناۋقانى زاڭعا سايكەس جۇرگىزىلۋدە. ونىڭ ىشىندە ءتۇرلى باسپا ونىمدەرىن: پلاكاتتار مەن بروشيۋرالاردى تاراتۋ قاراستىرىلعان.
