سايلاۋ-2015: كانديدات ن. نازاربايەۆتىڭ ر ق ش مۇشەلەرى تاراز قالاسىندا بولدى
مۇندا ولار جامبىل وبلىسىنىڭ اكتيۆىمەن، جاڭا جامبىل فوسفور زاۋىتىنىڭ جۇمىسشىلارىمەن، تۇرعىن ءۇي- كوممۋنالدىق شارۋاشىلىق سالاسىنىڭ جۇمىسكەرلەرىمەن جانە زيالى قاۋىم وكىلدەرىمەن كەزدەستى، دەپ حابارلادى ر ق ش- دان.
دەلەگاتسيا قۇرامىندا - رەسپۋبليكالىق قوعامدىق شتاب جەتەكشىسى مۇحتار قۇل- مۇحاممەد، قازاقستاننىڭ «اۋىل» سوتسيال- دەموكراتيالىق پارتياسىنىڭ ءتوراعاسى عاني قاليەۆ، ق ر پارلامەنتى ءماجىلىسىنىڭ دەپۋتاتتارى، ۇ ە ۇ، عىلىمي جانە شىعارماشىل زيالى قاۋىم وكىلدەرى، بەلگىلى قوعام قايراتكەرلەرى جانە سپورتشىلار بار.
ر ق ش مۇشەلەرى جامبىل وبلىسىنىڭ اكتيۆىمەن «بالاساعۇن» كونسەرت زالىندا كەزدەستى. مۇندا ەلباسىنا قولداۋ ءبىلدىرۋ ءۇشىن مىڭداعان جامبىلدىقتار جينالدى. ولاردىڭ قاتارىندا بەلگىلى قوعام قايراتكەرلەرى، ايماقتىڭ قۇرمەتتى تۇرعىندارى، ءماسليحات دەپۋتاتتارى، ەتنومادەني بىرلەستىكتەردىڭ، جاستار جانە ۇكىمەتتىك ەمەس ۇيىمداردىڭ باسشىلارى، ونەركاسىپتىك سەكتور مەن شاعىن جانە ورتا بيزنەس وكىلدەرى بار.
وڭىردەگى قازاقستان حالقى اسسامبلەياسىن قۇرۋعا اتسالىسقان تۇرىك ەتنومادەني ورتالىعىنىڭ ءتوراعاسى دۋنيادار ابدۋللايەۆ ق ح ا ينستيتۋتىنىڭ بىرەگەيلىگى جونىندە اڭگىمەلەپ بەردى.
«ق ح ا - ءبىزدىڭ پرەزيدەنت قۇرعان تەڭدەسسىز، الەمدەگى جالعىز، ۇلتارالىق ديالوگتىڭ بىرەگەي ينستيتۋتى. العاشقى جىلدارى كوپ ادامدار ونىڭ قاجەتتىلىگىنە كۇمانمەن قاراعان، بۇگىندە قازاقستاننىڭ تاجىريبەسىن شەتەلدە زەرتتەپ جاتىر. كەز كەلگەن ەلدەگى ۇلتارالىق كەلىسىم وسى ەلدىڭ كوشباسشىسىنىڭ ساياساتىنا بايلانىستى. جامبىل وبلىسىنىڭ ق ح ا مۇشەلەرى اتىنان مالىمدەيمىن: ءبىز بەيبىتشىلىك پەن ۇلتارالىق كەلىسىمدى، دەمەك، ەلباسىنى قولدايمىز!»، - دەپ اتاپ ءوتتى دۋنيادار ابدۋللايەۆ.
ر ق ش مۇشەلەرىنىڭ ونەركاسىپتىك سەكتور وكىلدەرىمەن كەزدەسۋى جاڭا جامبىل فوسفور زاۋىتىندا ءوتتى. كاسىپورىن جۇمىسشىلارى اتىنان مينەرالدى تىڭايتقىشتار زاۋىتىنىڭ شەبەرى بولاتحان كوپتىلەۋوۆ ونەركاسىپتىك سەكتورعا قولداۋ كورسەتكەنى ءۇشىن ەل پرەزيدەنتىنە العىس ءبىلدىردى.
«تاۋەلسىزدىك جىلدارىندا ءبىزدىڭ ەلىمىز العا ۇلكەن سەرپىلىس جاسادى، جاڭا وندىرىستەر اشىلۋدا، جىل وتكەن سايىن ەڭبەك ادامىنىڭ مارتەبەسى مەن ءمانى ءوسىپ كەلەدى! ءبىزدىڭ جالاقىمىز ءوسىپ، ەڭبەك جاعدايىمىز جاقسارىپ كەلەدى. وسىنىڭ بارلىعى ءبىزدىڭ پرەزيدەنتىمىزدىڭ ارقاسىندا. سوندىقتان قانداي ماماندىق نە لاۋازىم يەسى ەكەنىنە قاراماي بارلىعىمىز بىرگە ۇلت كوشباسشىسىنىڭ توڭىرەگىنە توپتاسۋىمىز قاجەت، نۇرسۇلتان نازاربايەۆ - ءبىزدىڭ ەلىمىزدەگى جۇمىسشىلاردىڭ باستى تىرەگى»، - دەدى بولاتحان كوپتىلەۋوۆ.
كەزدەسۋ كەزىندە جاڭا جامبىل فوسفور زاۋىتىنىڭ ديرەكتورى لەونيد فرانگۋليدي وتكەن عاسىردىڭ 90- جىلدارىنىڭ باسىندا كاسىپورىن وتە كۇردەلى جاعدايعا تاپ بولعان كەزدە، زاۋىتقا ميللياردتاعان ينۆەستيتسيالاردى تارتۋعا نۇرسۇلتان نازاربايەۆ كومەكتەسكەنىن، سول ارقىلى وندىرىسكە جاڭا دەم بەرىلگەنىن ەسكە سالدى.
«جامبىل ەلەكتر جەلىلەرى» ج ش س- دە ر ق ش مۇشەلەرىنىڭ تۇرعىن ءۇي- كوممۋنالدىق شارۋاشىلىق سالاسىنىڭ جۇمىسكەرلەرىمەن كەزدەسۋى ءوتتى. ولار نۇرسۇلتان نازاربايەۆقا ايماقتىڭ ينفراقۇرىلىمىن ساپالى جاڭارتىپ، مىڭداعان جاڭا جۇمىس ورىندارىن قۇرۋعا مۇمكىندىك بەرەتىن «نۇرلى جول» باعدارلاماسى ءۇشىن مىندەتتى تۇردە العىستارىن جەتكىزۋدى سۇرادى.
«اعا ۇرپاق وكىلى رەتىندە ءبىزدىڭ پرەزيدەنتىمىزگە ونىڭ سوعىس جانە ەڭبەك ارداگەرلەرىن قولداۋعا باعىتتالعان الەۋمەتتىك ساياساتى ءۇشىن، سونداي- اق ءبىزدىڭ بالالارىمىز بەيبىتشىلىك پەن كەلىسىمدە عۇمىر كەشىپ، ءبىلىم الىپ، جۇمىس ىستەي الاتىنىنا شەكسىز العىسىمدى بىلدىرەمىن» ، - دەپ اتاپ ءوتتى كوممۋنالدىق كاسىپورىننىڭ ديسپەتچەرى يرينا تسيتەل.
تۇستەن كەيىن ر ق ش مۇشەلەرى زيالى قاۋىم وكىلدەرىمەن كەزدەستى. اڭگىمەلەسۋ بارىسىندا تانىمال جازۋشى، جامبىل وبلىسىنىڭ قۇرمەتتى ازاماتى ارعىنباي بەكبوسىن مەملەكەت باسشىسىنىڭ تاۋەلسىز قازاقستاندى قالىپتاستىرۋداعى ءرولىن اتاپ ءوتتى.
«حالقىمىز ءوز تاريحىن تانۋعا جاقسى مۇمكىندىك الدى، وعان قازاق حاندىعىنىڭ 550 جىلدىعىن مەرەكەلەۋ، سونداي- اق ەلباسىنىڭ «ماڭگىلىك ەل» يدەياسى دالەل بولىپ وتىر»، - دەپ اتاپ ءوتتى ارعىنباي بەكبوسىن.
نۇرسۇلتان نازاربايەۆتىڭ رەسپۋبليكالىق قوعامدىق شتابىنىڭ مۇشەلەرىمەن كەزدەسۋگە جامبىل وبلىسىنىڭ مىڭداعان تۇرعىنى قاتىستى. بارلىعى سايلاۋ كەزىندە تەك ۇلت كوشباسشىسىنا عانا داۋىس بەرەتىندەرىن ءبىراۋىزدان ايتتى.
