سايلاۋ-2015: كانديدات ن. نازاربايەۆتىڭ ر ق ش مۇشەلەرى الماتىدا زيالى قاۋىم وكىلدەرىمەن كەزدەستى
الماتىلىق زيالى قاۋىم وكىلدەرى قازاقستاننىڭ تاۋەلسىزدىك جىلدارىندا جەتكەن جەتىستىكتەرىنە ماقتانادى. كورنەكتى عالىمدار، جازۋشىلار، سۋرەتشىلەر جانە رەجيسسەرلەردىڭ ايتۋىنشا، ەلباسىنىڭ باسشىلىعىمەن ءبىزدىڭ ەلىمىز ۇلكەن ەكونوميكالىق تابىستارعا قول جەتكىزۋمەن قاتار، ءوزىنىڭ رۋحاني قۇندىلىقتارىن - حالىقتار اراسىنداعى دوستىقتى، توزىمدىلىكتى، بەيبىتشىلىك پەن كەلىسىمدى ساقتاپ قالا ءبىلدى.
«بارلىق عىلىمي قاۋىمداستىق نۇرسۇلتان نازاربايەۆتىڭ باعىتىن قولدايدى»، - دەپ اتاپ ءوتتى ءوز سوزىندە قازاقستان ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ.
قازاق ۇلتتىق اگرارلىق ۋنيۆەرسيتەتىنىڭ رەكتورى تىلەكتەس ەسپولوۆ ءوز كەزەگىندە مەملەكەت باسشىسىنىڭ قولداۋىنىڭ ارقاسىندا تەك سوڭعى بەس جىلدا وتاندىق عىلىمدى قارجىلاندىرۋ كولەمى ەكى ەسەگە ارتقانىنا توقتالدى. سونىمەن بىرگە مەملەكەتتىڭ ءبىلىم بەرۋ سالاسىنا جۇمسايتىن شىعىندارى ەداۋىر كوبەيگەن. «ناتيجەسىندە وسى سالاداعى دامۋ يندەكسى بويىنشا قازاقستان الەمدەگى كوشباسشى ەلدەر قاتارىنا كىرەدى»، - دەپ اتاپ ءوتتى ت. ەسپولوۆ.
كەزدەسۋدە قازاقستان جازۋشىلار وداعىنىڭ ءتوراعاسى نۇرلان ورازالين دە ءسوز الدى. ونىڭ پىكىرىنشە، قازىرگى كەزدى شىعارماشىل ادامداردىڭ التىن ءداۋىرى دەۋگە بولادى. ويتكەنى ولار دانا كوشباسشىسى مەن بىرلىگى جاراسقان حالقى بار جاس، جوعارى قارقىنمەن ءوسىپ- وركەندەپ كەلە جاتقان كۇشتى مەملەكەتتى ءوز كوزىمەن كورىپ، شىعارمالارىنا ارقاۋ ەتە الادى.
قازاقستاندىق اكادەميك سۇلتان سارتايەۆ ەل ارالاپ ءجيى شىعاتىنىن جانە بارلىق وڭىرلەردە قۇرىلىس كراندارىن كورەتىنىن جەتكىزدى. عالىمنىڭ ايتۋىنشا، بۇل پرەزيدەنتتىڭ سارابدال ساياساتىنىڭ باستى ناتيجەلەرىنىڭ ءبىرى. ەلباسى قازاقستاندى ايماقتىڭ جەتەكشى دەرجاۆالارىنىڭ قاتارىنا شىعاردى.
اتاقتى ءانشى الىبەك دىنىشيەۆ نۇرسۇلتان نازاربايەۆ وتاندىق مادەنيەت پەن ونەردى دامىتۋعا كوپ ەڭبەك سىڭىرگەنىن اتاپ ءوتتى. ەلىمىزدىڭ تۇكپىر- تۇكپىرىندە اشىلىپ جاتقان جاڭا تەاترلار ونىڭ بۇل سوزىنە دالەل بولىپ تابىلادى.
ر ق ش مۇشەلەرىنىڭ كەلەسى بولعان جەرى - «يننوۆاتسيالىق تەحنولوگيالار پاركى» ا ە ا قىزمەتكەرلەرىمەن كەزدەسۋ بولدى. 2011 - جىلدان بەرى وسى ارنايى ەكونوميكالىق ايماق قاتىسۋشىلارى - 2 مىڭنان استام ادامدى جۇمىسپەن قامتاماسىز ەتكەن 150 يننوۆاتسيالىق كاسىپورىن. وتكەن جىلى وندىرىلگەن ءونىم 10,5 ميلليارد تەڭگەنى قۇرادى، ال سالىق اۋدارىلىمدارىنىڭ كولەمى - 2,4 ميلليارد تەڭگەگە جەتتى.
جاس جاڭاشىلدار قازاقستاندىق عالىم- جاساۋشىلاردىڭ وزدەرىن كورسەتۋىنە مۇمكىندىك بەرگەن يننوۆاتسيالىق تەحنولوگيالار پاركىن قۇرعانى ءۇشىن نۇرسۇلتان نازاربايەۆقا العىستارىن ءبىلدىردى.
اتاپ ايتقاندا، مەملەكەت باسشىسىنىڭ تاپسىرماسىمەن قۇرىلعان حالىقارالىق اقپاراتتىق تەحنولوگيالار ۋنيۆەرسيتەتىن باسقاراتىن جاس عالىم دامير شىنابەكوۆ نۇرسۇلتان نازاربايەۆ بولاشاقتىڭ ەكونوميكاسىنا بەرىك نەگىز قالادى، دەپ ءمالىم ەتتى. «اقپاراتتىق تەحنولوگيالار پاركى»، جاڭا ۇرپاق عىلىمي زەرتحانالارى جەلىسى، «نازاربايەۆ ۋنيۆەرسيتەتى»، نازاربايەۆ زياتكەرلىك مەكتەپتەرى - بۇلاردىڭ ءبارى ءبىزدىڭ ەلدى تابىستى يننوۆاتسيالىق مەملەكەتكە شىعاراتىن سەرپىندى جوبالار، ۇلت كوشباسشىسىنىڭ بەل بالالارى»، - دەپ اتاپ كورسەتتى دامير شىنابەكوۆ.
جۇمىسىن جاڭادان باستاعان كاسىپكەر ەدۋارد وگاي يننوۆاتسيالىق تەحنولوگيالار پاركىنىڭ ارقاسىندا ءوزىنىڭ جەكە ءىسىن اشتى. ول جوعارى تەحنولوگيالى جابدىقتار جاساۋمەن اينالىسادى جانە قازىردىڭ وزىندە العاشقى تابىسقا كەنەلە باستادى. ول نۇرسۇلتان نازاربايەۆقا شىنايى العىسىن جەتكىزدى.
الماتىعا ساپارى بارىسىندا رەسپۋبليكالىق قوعامدىق شتابتىڭ مۇشەلەرى قالانىڭ ارداگەرلەر ۇيىمدارى مەن پاتريوتتىق كلۋبتاردىڭ، سونداي- اق بيزنەس- قوعامداستىقتار وكىلدەرىمەن كەزدەستى. ولار ۇلت كوشباسشىسىنا داۋىس بەرە وتىرىپ، الماتىلىقتار گۇلدەنۋ، بىرلىك، بەيبىتشىلىك جانە كەلىسىم ءۇشىن داۋىس بەرەتىندىكتەرى تۋرالى مالىمدەپ، الداعى پرەزيدەنتتىك سايلاۋدا نۇرسۇلتان نازاربايەۆتىڭ كانديداتۋراسىنا قولداۋ كورسەتەتىندىكتەرىن جەتكىزدى.
