سايلاۋ-2015: ن. نازاربايەۆتىڭ ر ق ش مۇشەلەرى ءۇلبى مەتاللۋرگيالىق زاۋىتىنىڭ ۇجىمىمەن كەزدەستى
دەلەگاتسيا قۇرامىندا - رەسپۋبليكالىق قوعامدىق شتابتىڭ جەتەكشىسى مۇحتار قۇل- مۇحاممەد، «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك، قازاقستاننىڭ پاتريوتتار پارتياسىنىڭ ءتوراعاسى عاني قاسىموۆ، «اق جول» دەموكراتيالىق پارتياسىنىڭ ءتوراعاسى ازات پەرۋاشيەۆ، «بىرلىك» پارتياسىنىڭ ءتوراعاسى سەرىك سۇلتانعالي، قازاقستاندىق مۇگەدەكتەر كونفەدەراتسياسىنىڭ پرەزيدەنتى جانات وماربەكوۆا، «ك ت ك» مەنشىكتى حابار تاراتۋ ديرەكتورى ارتۋر پلاتونوۆ، ق ر كەن- مەتاللۋرگيا ونەركاسىبى ەڭبەكشىلەرى كاسىپوداعىنىڭ ءتوراعاسى اسىلبەك نۇرالين، پارلامەنت ءماجىلىسىنىڭ دەپۋتاتتارى باقىتجان ەرتايەۆ، تولەگەن يبرايەۆ، نۇرتاي ءسابيليانوۆ، وليمپيادا چەمپيونى ولگا رىپاكوۆا جانە باسقالارى بار.
وسكەمەن قالاسىندا ءۇلبى مەتاللۋرگيالىق زاۋىتىنىڭ تانتال ءوندىرىسى سەحىنىڭ جۇمىسشىلارىمەن كەزدەسۋ بولدى.
«نۇرسۇلتان ءابىش ۇلى نازاربايەۆتىڭ جاسامپازدىق قىزمەتىنىڭ جەمىستەرى جۇرتتىڭ ءبارىنىڭ كوز الدىندا. ولار قازىر وسىندا - شىعىس قازاقستاندا دا قاتىسىپ وتىر، ولار ءبىزدىڭ وتانىمىزدىڭ بارلىق يننوۆاتسيالىق ونىمدەرىنىڭ بەستەن ءبىر بولىگىن بەرۋدە. بۇل تاعدىردىڭ سىيى ەمەس، ۇلت كوشباسشىسىنىڭ زور قاجىرلى ەڭبەگىنىڭ ناتيجەسى.
ءبىز شىعىس قازاقستاندىقتار مەملەكەتىمىز باسشىسىن قولداۋدا ەڭ جوعارى ناتيجە كورسەتەتىنىنە سەنىمدىمىز» ، - دەپ اتاپ كورسەتتى كەزدەسۋدە رەسپۋبليكالىق قوعامدىق شتاب جەتەكشىسى مۇحتار قۇل- مۇحاممەد.
ءوز كەزەگىندە زاۋىت قىزمەتكەرلەرى ن. ءا. نازاربايەۆقا قولداۋ كورسەتەتىندەرىن ءبىلدىردى. «زاۋىت جاستارى مەملەكەتىمىز باسشىسىنىڭ ستراتەگيالىق جوسپارلارىن قولدايدى جانە ءبىز وسى وراسان زور مىندەتتەردى جۇزەگە اسىرۋعا بارلىق كۇش- جىگەرىمىزدى جۇمسايمىز. 26 - ساۋىردە ءبىزدىڭ الدىمىزدا ماڭىزدى مىندەت - ءوز بولاشاعىمىزدى تاڭداۋ مىندەتى تۇر. ەگەر ءبىزدىڭ جاستارىمىز ءبىزدىڭ كوشباسىمىز سياقتى كاسىبىنە بەرىلگەن تۇلعالارعا قاراپ قاتار تۇزەيتىن بولسا، قازاقستاننىڭ تابىسقا جانە يگىلىككە كەنەلەرى ءسوزسىز. نۇرسۇلتان نازاربايەۆ قازاقستاندى قۋاتتى، بەرىك جانە گۇلدەنگەن ەلگە اينالدىراتىنىنا سەنىمدىمىن!»، - دەدى «ءۇ م ز» ا ق جاستار بىرلەستىگى كەڭەسىنىڭ مۇشەسى، بەريلليي ءوندىرىسىنىڭ ينجەنەرى رينات قۇدابايەۆ.
بۇل ءىرى ونەركاسىپ كاسىپورنىندا جوعارىقامتىمدى تانتال ۇنتاعى، بەريلليدەن جاسالعان بۇيىمدار شىعارىلادى، اتوم ستانسالارى ءۇشىن وتىن شىعاراتىن تولىق سيكل جاسالۋدا.
«ءسىزدىڭ زاۋىت - 65 جىلدىق تاريحى بار بىرەگەي كاسىپورىن. بۇگىندە مۇندا 4000 عا جۋىق ادام ەڭبەك ەتەدى. ەستەرىڭىزگە تۇسىرىڭىزدەرشى، وسىدان 20 جىل بۇرىن ەلدە شاحتالار مەن كاسىپورىندار جابىلىپ، جالاقى مەن زەينەتاقى تولەنبەي، جۇمىس جوق كەزەڭ بولعان ەدى. الايدا ءبىز وسى قيىن كەزدى ارتقا تاستادىق. ءبىز كۇشتى مەملەكەتكە اينالدىق، ەلدە ەداۋىر وزگەرىستەر ورىن الدى جانە بۇگىن وسىنداي جاۋاپتى، تاريحي ساتتە نۇرسۇلتان نازاربايەۆقا قايتادان قولداۋ كورسەتەتىن ۋاقىت كەلىپ جەتتى. تەك قانا ەلباسىمەن بىرگە جاڭا ۇلى جەڭىستەرگە جەتەمىز!»، - دەپ اتاپ ءوتتى «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك «ءۇ م ز» ا ق جۇمىسشىلارىمەن كەزدەسۋ بارىسىندا.
ساپار كەزىندە ر ق ش مۇشەلەرى «ءۇلبى» مادەنيەت ۇيىندە، وقۋشىلار شىعارماشىلىق سارايىندا، مەتاللۋرگتەر مادەنيەت ۇيىندە بولىپ، حالىقتى الەۋمەتتىك قورعاۋ ماسەلەسىمەن اينالىساتىن ۇكىمەتتىك ەمەس ۇيىمدارمەن، ستۋدەنت جاستارمەن جانە پروفەسسورلىق- وقىتۋشىلىق قۇراممەن كەزدەستى.
ءىس- شارالارعا وسكەمەننىڭ مىڭداعان تۇرعىندارى قاتىستى. وسكەمەندىكتەردىڭ ايتۋىنشا، ەلباسىنىڭ باسشىلىق ەتۋىمەن تاۋەلسىزدىكتىڭ 23 جىلىندا قازاقستان رەسپۋبليكاسىنىڭ بەرىك ىرگەتاسى قالاندى.
«رەسپۋبليكادا 130 ۇلتتىق وكىلدەرى، شىعىس قازاقستان وبلىسىنىڭ وزىندە عانا 105 ۇلت وكىلدەرى تۇرادى! ەگەمەن مەملەكەت قۇرىلىسىنىڭ باسىنان باستاپ ءبىزدىڭ ۇلت كوشباسشىسى ۇلتارالىق بىرلىكتى، كەلىسىم مەن تۇراقتىلىقتى، ەكونوميكالىق گۇلدەنۋ نەگىزىندە الەۋمەتتىك باعدارلانعان كۇشتى دەموكراتيالىق مەملەكەت قۇرۋدى باستى مىندەت ەتىپ قويدى. ءبىزدىڭ ەلباسىمىزدىڭ ساياساتىنىڭ ارقاسىندا قازاقستانداعى كەز كەلگەن ۇلتتىڭ جانە كونفەسسيا وكىلدەرىنىڭ ءارقايسىسىنىڭ داۋىسى جارقىن ەستىلەدى»، - دەپ اتاپ كورسەتتى ءوز سوزىندە قازاقستان حالقى اسسامبلەياسىنىڭ مۇشەسى لەو شيك.
رەسپۋبليكالىق قوعامدىق شتاب باسپا ءسوز قىزمەتىنىڭ حابارلاۋىنشا، شىعىس قازاقستان وبلىسىندا 20 قوعامدىق شتاب قۇرىلدى، 3000 نان استام سەنىمدى وكىل جانە جاستار بەلسەندىلەرى ىسكە كىرىستى.
