سايلاۋ-2015: كانديدات ءا. قۇسايىنوۆ «استانا- كوگالداندىرۋ» ا ق ۇجىمىمەن كەزدەستى
كەزدەسۋ بارىسىندا ءابىلعازى قۇسايىنوۆ بىرلەستىك جۇمىسكەرلەرىن ءوزىنىڭ سايلاۋالدى باعدارلاماسىنىڭ نەگىزگى باعىتتارىمەن تانىستىرىپ ءوتتى.
ءا. قۇسايىنوۆتىڭ ايتۋىنشا، ⅩⅩعاسىر مەن ХХІ عاسىردىڭ باسىنداعى جوعارى ەكونوميكالىق ءوسىم قورشاعان ورتانىڭ مۇمكىندىگىنە ءمان بەرىلمەي جۇزەگە اسىرىلدى. سونىڭ سالدارىنان تازا تابيعات لاستانىپ، ەكولوگيالىق پروبلەمالار تۋىندادى.
ءا. قۇسايىنوۆ جەر رەسۋرستارىنىڭ توزۋىن تابيعاتتى ءتيىمسىز پايدالانۋ سالدارىنان تۋىنداعان قورشانىڭ ورتانىڭ دەگراداتسياسىنىڭ مىسالى رەتىندە كەلتىرىپ كەتتى. توپىراق دەگراداتسياسى ۇدەرىسىنىڭ ناتيجەسىندە جىل سايىن شامامەن 7 ميلليون گا قۇنارلى جەر اۋىل شارۋاشىلىعىنا پايدالانۋدان قالىپ وتىرادى. بۇل ۇدەرىستىڭ باستى سەبەبى - ۋربانيزاتسيا، سۋ جانە جەل ەروزياسى، سونداي- اق حيميالىق جانە فيزيكالىق دەگراداتسيا.
وسى جانە وزگە دە ەكولوگيالىق ماسەلەلەردى دەر كەزىندە شەشۋ - ادامزاتتىڭ باستى مىندەتى، ونىڭ ودان ءارى تىرشىلىك ەتۋىنىڭ جانە دامۋىنىڭ كەپىلى بولىپ تابىلادى.
ءا. قۇسايىنوۆ جۇمىسكەرلەر الدىندا سويلەگەن سوزىندە قورشاعان ورتانى قانشا وزگەرتۋگە تىرىسقانىمىزبەن جەردەگى تىرشىلىك تابيعات زاڭدىلىعى بويىنشا ءجۇرىپ وتىرادى دەپ اتاپ ءوتتى. سوندىقتان ادامزات وركەنيەتى ورنىقتى دامۋى ءۇشىن وسى زاڭدىلىقتار مەن قاعيداتتار بويىنشا ءجۇرۋى قاجەت.
تابيعاتپەن ۇيلەسىمدە ءومىر ءسۇرۋ - جەر بەتىندە ادامنىڭ ءومىر ءسۇرۋىنىڭ نەگىزگى پرينتسيپتەرىنىڭ ءبىرى. ءتىپتى ەجەلگى فيلوسوفتاردىڭ ءوزى تابيعاتتى ونىڭ زاڭدارىنا باعىنا وتىرىپ قانا يگەرۋگە بولاتىنىن ايتقان بولاتىن.
ءا. قۇسايىنوۆتىڭ ايتۋىنشا، ادامنىڭ تابيعاتپەن ءوزارا ءىس- قيمىلىنىڭ ءوز ەرەكشەلىكتەرى بار. ادام اقىل- وي يەسى جانە بۇل وعان تابيعاتتاعى ءوز ورنىن جانە جەر بەتىندەگى ماقساتىن سەزىنۋگە مۇمكىندىك بەرەدى.
بۇگىندە ادام تۇتاستاي العاندا عالامشارداعى ەكولوگيالىق دامۋدى باسقارۋدى ءوز موينىنا الۋعا قابىلەتتى.
ءبىزدىڭ ءبىرىنشى كەزەكتەگى مىندەتىمىز - تابيعي رەسۋرستاردى ۇنەمدى جانە جوسپارلى قولدانۋ، قورشاعان ورتانى لاستانۋدان قورعاۋ، تابيعي رەسۋرستاردى ۇقىپتى پايدالانۋعا، قورعاۋعا جانە قالپىنا كەلتىرۋگە باعىتتالعان حالىقارالىق جانە قوعامدىق شارالاردى، مەملەكەتتىك باقىلاۋدىڭ جوسپارلى جۇيەسىن ەنگىزۋ، بولاشاق ۇرپاقتاردىڭ ماتەريالدىق جانە مادەني مۇقتاجدارىن قاناعاتتاندىرۋ بولۋى ءتيىس.
ءا. قۇسايىنوۆ ەكولوگيالىق- اعارتۋشىلىق قىزمەت ماسەلەسىن ماڭىزدى شارا دەپ سانايدى.
«ءبىز بالالاردىڭ بويىنا جاس شاعىنان باستاپ ەكولوگيا تۋرالى قاراپايىم بىلىمدەردى، قاۋىپسىز جانە ەكولوگيالىق ءومىر ءسۇرۋ پرينتسيپتەرىن، تابيعاتتى جانە ءبىزدىڭ اينالامىزداعى بولمىستى ساقتاپ ايالاي ءبىلۋ قاجەتتىگى تۋرالى بىلىمدەردى سىڭىرۋگە ءتيىسپىز» ، - دەپ اتاپ ءوتتى ءا. قۇسايىنوۆ.
سونداي- اق «استانا- كوگالداندىرۋ» قىزمەتكەرلەرىمەن كەزدەسۋدە ءا. قۇسايىنوۆتىڭ رەسپۋبليكالىق سايلاۋالدى شتابىنىڭ جەتەكشىسى رۇستەم جولامان ءسوز سويلەدى.
ر. جولامان رەسپۋبليكالىق شتاب قىزمەتىن ۇيىمداستىرۋ جايىن اڭگىمەلەپ بەردى، تاياۋداعى كەزەڭدەگى جۇمىس جوسپارلارىن باياندادى.
«ق ر پرەزيدەنتتىگىنە كانديدات ءا. قۇسايىنوۆ ادام ومىرىندەگى ماڭىزدى ماسەلەگە - عالامشارداعى ەكولوگيانى جانە بيولوگيالىق ءارالۋاندىقتى ساقتاۋ ماسەلەلەرىنە جۇرتشىلىقتىڭ نازارىن اۋدارۋعا نيەتتى» .
