سايلاۋ- 2015: قىزىلوردادا كانديدات ت. سىزدىقوۆتىڭ ايماقتىق سايلاۋالدى شتابى تانىستىرىلدى
قىزىلوردا وبلىسى بويىنشا ايماقتىق شتابتىڭ جەتەكشىسى بولىپ تالعات تەلۋبايەۆ تاعايىندالدى.
تالعات تەلۋبايەۆ پارتيادا 4 -جىلدان اسا جۇمىس ىستەپ كەلەدى. ماماندىعى جۋرناليست، ءبىراز ۋاقىت مۇعالىم بولىپ قىزمەت اتقاردى.
«ءبىر اي كولەمىندە شتاب ت. ي. سىزدىقوۆتىڭ كانديداتۋراسىن قولداۋ اياسىندا بىرنەشە ءىس- شارا وتكىزۋدى جوسپارلاپ وتىر.
شتاب قۇرامىندا 5 سەنىمدى تۇلعا جۇمىس ىستەيدى. ناسيحات ماتەريالدارى الىندى، ءقازىر ولاردى تاراتۋ جۇمىستارىمەن اينالىسىپ جاتىرمىز»، - دەدى تانىستىرىلىم بارىسىندا ت. تەلۋبايەۆ.
ول سونداي-اق كانديدات تۇرعىن سىزدىقوۆتىڭ سايلاۋالدى ۇگىت- ناسيحاتىنىڭ نەگىزگى باعىتتارى جايىندا قىسقاشا اڭگىمەلەپ بەردى.
«بۇگىندە باتىس قوعامى جاساندى جانە نەگىزگى قۇندىلىقتاردىڭ ءوزارا ارپالىسقا تۇسكەن كۇردەلى كەزەڭىن، مورالدىك قاعيداتتار مەن رۋحاني قۇندىلىقتاردىڭ داعدارىسىن باستان كەشىپ وتىر. سول سەبەپتى، ءبىزدىڭ كانديداتىمىز، تۇرعىن سىزدىقوۆ، بۇل ماسەلەلەرگە ۇلكەن ماڭىز بەرىپ وتىر. جاڭعىرعان جارنامالار، جىلتىراق جۋرنالدار ادامنىڭ ساناسىن ۋلاۋدا. ادام قۇقىعى مەن ەركىندىكتى كوكسەگەن ۇرانداردىڭ استارىندا قانتوگىس فيلمدەر مەن ەروتيكا ناسيحاتتالىپ جاتىر. ءبىراق، ەركىندىك ءاربىر ارەكەت ءۇشىن بىرنەشە ەسەلەنگەن جاۋاپكەرشىلىكتى تالاپ ەتەتىنىن ۇمىتپاۋ كەرەك»، - دەيدى ت. تەلۋبايەۆ.
شتاب جەتەكشىسى ت. تەلۋبايەۆ باتىستىق تاماقتانۋ مادەنيەتىنىڭ زيانى ت. سىزدىقوۆتىڭ سايلاۋالدى باعدارلاماسىنىڭ باستى تاقىرىپتارىنىڭ ءبىرى ەكەنىن دە ەسكە سالدى.
ت. تەلۋبايەۆتىڭ ايتۋىنشا، باتىستىق تاماقتانۋ ۇلگىسى - گامبۋرگەر، حوت- دوگ، قۋىرىلعان كارتوپ، گازدالعان سۋسىندار مەن باسقا دا ازىق- تۇلىكتەر - اسا كالوريالى، قۇرامىندا ماي مەن قانت كوپ.
سوندىقتان دا باتىستىق فاست- فۋد الىپتارى جەدەل تاماقتانۋدىڭ رەتسەپتتەرىن ۇلكەن قۇپيادا ساقتاۋدا.
سەبەبى قاراپايىم تۇتىنۋشى ونىڭ وندىرىسىندە قانداي تىيىم سالىنعان ادىستەر پايدالانىلىپ، كوپ جاعدايدا، جەۋگە كەلمەيتىن اقىز- تۇلىكتەر قوسىلاتىنىن بىلسە، ودان ءۇزىلدى- كەسىلدى باس تارتار ەدى.
