سايلاۋ-2015: كانديدات ن. نازاربايەۆتىڭ ر ق ش مۇشەلەرى پاۆلودار وبلىسىنىڭ كاسىپورىندارىندا بولدى
دەلەگاتسيا قۇرامىندا رەسپۋبليكالىق قوعامدىق شتاب باسشىسى مۇحتار قۇل- مۇحاممەد، «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك، قازاقستان پاتريوتتار پارتياسىنىڭ ءتوراعاسى عاني قاسىموۆ، «اق جول» دەموكراتيالىق پارتياسىنىڭ ءتوراعاسى ازات پەرۋاشيەۆ، «بىرلىك» پارتياسىنىڭ ءتوراعاسى سەريك سۇلتانعالي، حالىق بانكى ديرەكتورلار كەڭەسىنىڭ ءتوراعاسى ا. پاۆلوۆ، ق ر پارلامەنتى ءماجىلىسىنىڭ دەپۋتاتتارى، ق ح ا مۇشەلەرى ولەگ دىموۆ، رومان كيم، «نۇر وتان» پارتياسىنىڭ ماجىلىستەگى فراكتسياسىنىڭ مۇشەلەرى م. پىشەمبايەۆ، م. بەگەنتايەۆ، ا. نۇركينا جانە ت. ب. بار
پاۆلودار قالاسىندا شتاب مۇشەلەرى ن. ءا. نازاربايەۆتىڭ جاقتاستارى - قازاقستان ەلەكتروليز زاۋىتىنىڭ مەتاللۋرگتەرىمەن، «قازاقستان اليۋمينيى» ا ق، اقسۋ فەرروقورىتپا زاۋىتىنىڭ جانە ەۋروازيالىق ەنەرگەتيكالىق كورپوراتسيانىڭ كەنشىلەرىمەن، ەنەرگەتيكتەرىمەن، سونداي- اق ەكىباستۇزداعى «بوگاتىر كومىر» ج ش س كاسىپورنىنىڭ جۇمىسشىلارىمەن كەزدەستى.
سونىمەن قاتار ر ق ش مۇشەلەرى پاۆلودار ءوڭىرىنىڭ ۇكىمەتتىك ەمەس سەكتورى وكىلدەرىمەن جانە «لۋگانسك» اۋىلىنداعى مادەنيەت ۇيىندە وندىرىستىك كووپەراتيۆ جۇمىسكەرلەرىمەن دە كەزدەسۋ وتكىزدى.
العاشقى كەزدەسۋ قازاقستان ەلەكتروليز زاۋىتىندا وتكەن بولاتىن. وسى زاۋىتتىڭ اشىلۋى كەزىندە 7 جىلدان استام ۋاقىت بۇرىن ن. نازاربايەۆ: «مەن مەتاللۋرگ رەتىندە وسىنداي زاۋىت تۋرالى ارمانداعان ەدىم. ەندى قازاقستان شيكىزاتتى ءوندىرىپ، ساتىپ قانا قويماي، باسەكەگە قابىلەتتى ءونىمدى ءوندىرىپ، الەمدىك نارىققا شىعارادى» ، دەگەن بولاتىن. وسىلايشا 2009 -جىلى قازاقستاندىق اليۋميني لوندون مەتالل بيرجاسىندا رەسمي تىركەلدى، ال 2010 -جىلى دۇنيەجۇزىلىك دەڭگەيدەگى «ەۋروپالىق ساپا» ناگراداسىنا يە بولدى.
رەسپۋبليكالىق قوعامدىق شتاب باسشىسى م. قۇل- مۇحاممەد ەلباسىنىڭ ۇنەمى قولداۋىنىڭ ارقاسىندا پاۆلودار وبلىسى قازاقستاننىڭ يندۋستريالىق- يننوۆاتسيالىق ەكونوميكاسىنىڭ بەتكەۇستار وڭىرىنە اينالعانىنا توقتالىپ ءوتتى. «قۋاتتى اليۋميني ءوندىرىسى، جاڭا مىس قورىتۋ الپاۋىتى، اقسۋ فەرروقورىتپا زاۋىتى جانە وسى ەلەكتروليز زاۋىتى ءاربىر پاۆلودارلىق وتباسىنىڭ ءال- اۋقاتىن قامتاماسىز ەتىپ وتىر. سوندىقتان سىزدەر وسىنداي قامقورلىق كورسەتكەنى ءۇشىن جاۋاپ رەتىندە ءبىزدىڭ كوشباسشىمىزعا داۋىس بەرەسىزدەر دەپ سەنەمىن» ، - دەپ اتاپ ءوتتى ر ق ش باسشىسى.
پاۆلودارلىقتار ن. ءا. نازاربايەۆقا ۇدەمەلى يندۋستريالىق- يننوۆاتسيالىق دامۋ باعدارلاماسى ءۇشىن العىسىن ءبىلدىردى، ونىڭ اۋقىمىندا سوڭعى 5 جىلدا عانا وبلىستا 94 جوبا جۇزەگە اسىرىلۋدا جانە 11000 نان استام جاڭا جۇمىس ورىندارى اشىلدى.
«ەلباسى ءوزىنىڭ ەڭبەك جولىن قاراپايىم مەتاللۋرگتەن باستادى. سوندىقتان ول سىزدەردىڭ ەڭبەكتەرىڭىزدىڭ باعاسىن، سىزدەردىڭ ارمان- مۇددەلەرىڭىز بەن ۇمتىلىستارىڭىزدى، سىزدەردىڭ وزەكتى پروبلەمالارىڭىزدى جاقسى بىلەدى. ەڭبەك ادامى - مەملەكەت باسشىسى ساياساتىنىڭ، بىرلىك، بەيبىتشىلىك پەن كەلىسىم ساياساتىنىڭ تىرەگى. ءبىز الداعى سايلاۋ ءبىزدىڭ كوشباسشىمىزدىڭ توڭىرەگىنە توپتاسقانىمىزدى تاعى دا كورسەتەتىنىنە سەنىمدىمىز! ەلباسى ءۇشىن داۋىس بەرە وتىرىپ، ءبىز تۇراقتى، گۇلدەنگەن جانە كۇشتى قازاقستان ءۇشىن داۋىس بەرەمىز!» ، - دەپ اتاپ كورسەتتى ەكىباستۇز قالاسىنداعى «بوگاتىر كومىر» ج ش س جۇمىسشىلارىمەن كەزدەسۋ بارىسىندا «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك.
اقسۋ ەلەكتر ستانساسىنداعى ەنەرگەتيكتەر ەڭبەك اۋلەتىنىڭ وكىلى سۆەتلانا ماحمۇدوۆا ونىڭ ەنەرگەتيكتەر اۋلەتىنىڭ جالپى ەڭبەك ءوتىلى 100 جىلدان اساتىنىن اتاپ ءوتتى. قازاقستان تاۋەلسىزدىگى جىلدارىندا كاسىپورىندا جاڭا تەحنولوگيالار ەنگىزىلۋدە، ءوندىرىس جاڭارۋدا. مۇنىڭ بارلىعى ەلباسىنىڭ ساياساتى، قازاقستاندا ەكونوميكانىڭ ءوسۋى، بەيبىتشىلىك پەن تۇراقتىلىقتىڭ ارقاسىندا مۇمكىن بولدى.
ن. ءا. نازاربايەۆتىڭ كانديداتۋراسىن قولداپ، «اق جول» ساياسي پارتياسىنىڭ باسشىسى ازات پەرۋاشيەۆ، «بىرلىك» پارتياسىنىڭ باسشىسى سەرىك سۇلتانعالي جانە پاتريوتتار پارتياسىنىڭ باسشىسى عاني قاسىموۆ ءسوز سويلەدى.
كەزدەسۋلەرگە مىڭعا تارتا پاۆلودارلىقتار قاتىستى. ءوز سوزدەرىندە ولار مەملەكەت باسشىسىنىڭ ساياساتى ارقاسىندا جاھاندىق ەكونوميكاداعى داعدارىسقا قاراماستان، قازاقستاندا جاڭا كاسىپورىندار اشىلىپ جاتقانىن، يننوۆاتسيالىق تەحنولوگيالار ەنگىزىلۋدە ەكەنىن جانە قازاقستاندىقتار جۇمىسپەن قامتاماسىز ەتىلگەنىن، ەرتەڭگى كۇنگە سەنىممەن قارايتىنىن اتاپ كورسەتتى.
پاۆلودارلىقتار نۇرسۇلتان نازاربايەۆتى ەلىمىزدىڭ شىنايى جالپى ۇلتتىق كوشباسشىسى دەپ سانايدى. «ول - بەيبىتشىلىك پەن كەلىسىمنىڭ، ءبىزدىڭ جوسپارلارىمىزدىڭ جۇزەگە اسۋىنىڭ، مەملەكەتتىڭ تۇراقتى پروگرەسىنىڭ كەپىلى. ۇلتتى توپتاستىرا بىلگەن جانە ونى ەل الدىندا تۇرعان مىندەتتەردى جۇزەگە اسىرۋعا جۇمىلدىرا بىلگەن كوشباسشى. ءبىز 2015 -جىلعى 26 - ساۋىردە رەسپۋبليكانىڭ يگىلىگى مەن يننوۆاتسيالىق دامۋى ءۇشىن داۋىس بەرەمىز دەپ مالىمدەيمىز، ياعني بۇل نۇرسۇلتان ءابىش ۇلى نازاربايەۆ ءۇشىن داۋىس بەرەمىز، دەگەن ءسوز» ، - دەپ اتاپ كورسەتتى ءوڭىر تۇرعىندارى - قازاقستان پرەزيدەنتتىگىنە كانديدات ن. ءا. نازاربايەۆتىڭ جاقتاستارى.
