سايلاۋ-2015: ق ر پرەزيدەنتتىگىنە كانديدات ن. نازاربايەۆتىڭ قوعامدىق شتاب مۇشەلەرى ەل وڭىرلەرىندە ۇگىت- ناسيحات جۇمىستارىن باستادى
وسى ورايدا ناسيحات توبىنىڭ ەڭ الدىمەن قاراعاندى وبلىسىنا ات باسىن بۇرۋى بەكەر ەمەس. سەبەبى ۇلت كوشباسشىسىنىڭ ەڭبەك جولى ءدال وسى جەردەن باستاۋ العان بولاتىن.
دەلەگاتسيا قۇرامىندا - رەسپۋبليكالىق قوعامدىق شتابتىڭ جەتەكشىسى مۇحتار قۇل- مۇحاممەد، قازاقستان پاتريوتتار پارتياسىنىڭ ءتوراعاسى عاني قاسىموۆ، «اق جول» دەموكراتيالىق پارتياسىنىڭ ءتوراعاسى ازات پەرۋاشيەۆ، «بىرلىك» پارتياسىنىڭ ءتوراعاسى سەرىك سۇلتانعالي، «اتامەكەن» ۇلتتىق كاسىپكەرلەر پالاتاسى باسقارماسىنىڭ ءتوراعاسى ابىلاي مىرزاحمەتوۆ، قازاقستان حالقى اسسامبلەياسى ءتوراعاسىنىڭ ورىنباسارى اناتولي باشماكوۆ، مەملەكەت قايراتكەرى ورالباي ابدىكارىموۆ، ءماجىلىس دەپۋتاتتارى مايرا ايسينا، اسقار بازاربايەۆ، مۇحتار تىنىكەيەۆ پەن سەرىكجان قانايەۆ، سەنات دەپۋتاتى مۇحتار التىنبايەۆ، قازاق تاعامتانۋ اكادەمياسىنىڭ پرەزيدەنتى تورەگەلدى شارمانوۆ، وليمپيادا چەمپيونى سەرىك ساپيەۆ جانە تاعى دا باسقا تانىمال قازاقستاندىقتار بار.
ەلىمىزدىڭ ءوندىرىس ورتالىعىندا ءوڭىر بەلسەندىلەرىمەن، ستۋدەنت جاستارمەن، كاسىپكەرلەرمەن، «ارسەلور ميتتال تەمىرتاۋ» ا ق كەنشىلەرىمەن جانە ەتنومادەني بىرلەستىكتەردىڭ وكىلدەرىمەن ءبىرقاتار كەزدەسۋلەر ءوتتى.
قاراعاندىلىقتار ۇدەمەلى يندۋستريالىق- يننوۆاتسيالىق دامۋ باعدارلاماسى ءۇشىن نۇرسۇلتان ءابىش ۇلى نازاربايەۆقا العىس ءبىلدىردى. وسى باعدارلاما اياسىندا سوڭعى 5 جىلدا وبلىستا 59 كاسىپورىن ىسكە قوسىلىپ، 5000 جاڭا جۇمىس ورنى اشىلدى.
وڭىردەگى قوعام قايراتكەرى تاتيانا ساۆيتسكايا ەلىمىزدەگى بەيبىتشىلىكتى، تۇراقتىلىق پەن تىنىشتىقتى قامتاماسىز ەتكەنى ءۇشىن بارلىق قازاقستاندىق ايەلدەر قاۋىمىنىڭ اتىنان نۇرسۇلتان ءابىش ۇلى نازاربايەۆقا شەكسىز ريزاشىلىعىن جەتكىزدى.
رەسپۋبليكالىق قوعامدىق شتاب جەتەكشىسى اتاپ وتكەندەي، ۇلت كوشباسشىسى نۇرسۇلتان ءابىش ۇلى نازاربايەۆتىڭ ساياساتىنىڭ ارقاسىندا قازاقستان ەلىمىزدى دامۋدىڭ جاڭا دەڭگەيىنە كوتەرەتىن ۇلى وزگەرىستەرگە قاراي قادام باسقالى تۇر.
كەزدەسۋلەرگە مىڭداعان قاراعاندىلىق قاتىستى. ءوز سوزدەرىندە ولار مەملەكەت باسشىسى نۇرسۇلتان ءابىش ۇلى نازاربايەۆتىڭ ساياساتىنىڭ ارقاسىندا قازاقستان زور جەتىستىكتەرگە قول جەتكىزگەنىن اتاپ ءوتتى.
حالىق مەملەكەتىمىزدى مىقتى كوشباسشى باسقارعانىن قالايدى. سول سەبەپتى ورتالىق قازاقستاننىڭ تۇرعىندارى ءبىراۋىزدان 2015 -جىلى 26 - ساۋىردە رەسپۋبليكامىزدىڭ گۇلدەنۋى ءۇشىن، ياعني، نۇرسۇلتان ءابىش ۇلى نازاربايەۆ ءۇشىن داۋىس بەرەتىندەرىن ءمالىم ەتتى.
