سايلاۋ-2015: استانادا ق ر پرەزيدەنتتىگىنە كانديدات ن. نازاربايەۆتى قولداۋ جونىندە فورۋم ءوتتى
شارا سايلاۋ ناۋقانىنىڭ ۇگىت كەزەڭىن باستاپ بەردى.
فورۋم قاتىسۋشىلارى - قازاقستان رەسپۋبليكاسى پرەزيدەنتتىگىنە كانديداتتىڭ رەسپۋبليكالىق قوعامدىق شتابىنىڭ، استانا قالالىق قوعامدىق شتابىنىڭ مۇشەلەرى، حالىق سەنگەن وكىلدەرى جانە ساياسي پارتيالار، ۇكىمەتتىك ەمەس ۇيىمدار، عىلىمي جانە شىعارماشىل زيالى قاۋىم وكىلدەرى، قازاقستان رەسپۋبليكاسى پارلامەنتى مەن استانا قالالىق ءماسليحاتىنىڭ دەپۋتاتتارى، جاستار بەلسەندىلەرى، سپورتشىلار، سونداي-اق بيزنەس وكىلدەرى بولدى.
شاراعا ق ر پرەزيدەنتتىگىنە كانديدات ن. ءا. نازاربايەۆتىڭ رەسپۋبليكالىق قوعامدىق شتابىنىڭ جەتەكشىسى مۇحتار قۇل- مۇحاممەد، حالىق قاھارمانى باقىتجان ەرتايەۆ، قازاقستاننىڭ ەڭبەك ەرى ايمان مۇساقوجايەۆا، جەتەكشى ساياسي پارتيالاردىڭ باسشىلارى، قازاقستان حالقى اسسامبلەياسى ءتوراعاسىنىڭ ورىنباسارى اناتولي باشماكوۆ، «جاس وتان» جاستار قاناتى استانالىق فيليالىنىڭ كوشباسشىسى سالتانات ءالي جانە باسقالار قاتىستى.
«قازاقستان رەسپۋبليكاسىنىڭ نەگىزىن قالاۋشى جانە تۇڭعىش پرەزيدەنتىنىڭ ارقاسىندا ءبىز تاۋەلسىزدىك جىلدارىندا عاسىرلارعا تەڭ جولدان وتتىك! ءبىزدىڭ ۇلت كوشباسىمىزدىڭ ارقاسىندا بارلىق قازاقستاندىقتار بەيبىتشىلىك پەن كەلىسىمدە ءومىر سۇرۋدە. ءبىزدىڭ ەلباسىمىزدىڭ ارقاسىندا ءبىز كۇشتى، گۇلدەنگەن، باسەكەگە قابىلەتتى، بۇكىل الەمدە قۇرمەتپەن اتالاتىن مەملەكەت قۇردىق!
ءبىزدىڭ پرەزيدەنتىمىزدىڭ ارقاسىندا تۋربۋلەنتتىلىك جاعدايىندا ءبىز قوعامىمىزدىڭ ساياسي، ەكونوميكالىق، الەۋمەتتىك سالالارىن ويداعىداي جاڭارتتىق. نۇرسۇلتان ءابىش ۇلىنىڭ ارقاسىندا ەلىمىزدە بىرەگەي «ستراتەگيا-2050» جاسالدى، وندا مەملەكەتىمىزدىڭ ستراتەگيالىق ماقساتتارى مەن باعدارلارى ءجىتى دە ايقىن كورسەتىلگەن.
نازاربايەۆتىڭ ارقاسىندا ءبىزدىڭ ەلىمىزدەگى، سونداي-اق ءار وتباسىنداعى ەكونوميكالىق ءوسىم مەن يگىلىكتىڭ دۇرىس جولى - «نۇرلى جول» باعدارلاماسى جاسالدى. سوندىقتان دا مەن بۇدان ءدال ءبىر ايدان كەيىن بۇكىل قازاقستاندىقتار سياقتى، وسى فورۋمعا بارلىق قاتىسۋشىلار، قازاقستان رەسپۋبليكاسى دەپ اتالاتىن تۋعان وتانىمىزدىڭ بولاشاعى، ءوز بالالارى مەن نەمەرەلەرىنىڭ بولاشاعى، ءار وتباسىنىڭ يگىلىگى ءۇشىن، مەملەكەتىمىزدىڭ گۇلدەنۋى ءۇشىن، بەيبىتشىلىك پەن تۇراقتىلىق ءۇشىن سايلاۋ ۋچاسكەلەرىنە كەلىپ، ءوز داۋىستارىن بەرەتىنىنە كامىل سەنىمدىمىن.
مۇنىڭ بارلىعىنا الەمدىك وركەنيەت شىڭىنا جەتەلەپ كەلە جاتقان ۇلتىمىزدىڭ كوشباسشىسى نۇرسۇلتان ءابىش ۇلى نازاربايەۆ قانا بىزگە كەپىلدىك بەرە الادى. ۇلت كوشباسشىسىمەن بىرگە، جاڭا جەڭىستەرگە قاراي، قىمباتتى دوستار!» - دەدى ق ر پرەزيدەنتتىگىنە كانديدات ن. ءا. نازاربايەۆتىڭ رەسپۋبليكالىق قوعامدىق شتابىنىڭ باسشىسى مۇحتار قۇل-مۇحاممەد استاناداعى جاقتاۋشىلار فورۋمىندا سويلەگەن سوزىندە.
شاراعا قاتىسۋشىلار ەلباسى نۇرسۇلتان نازاربايەۆتى الداعى 2015 - جىلعى 26 - ساۋىردە وتەتىن سايلاۋدا قولداۋعا ءازىر ەكەندىكتەرىن ءبىلدىردى.
فورۋم بارىسىندا سايلاۋالدى ناۋقان اياسىندا بۇگىن ۇگىت جۇمىستارى باستالعانى اتاپ ءوتىلدى. استانا قالاسىنىڭ وزىندە عانا كانديداتتىڭ 535 حالىق سەنگەن وكىلى جۇمىس ىستەيدى.
