ءبىرىڭعاي تەستىلەۋ جۇيەسى2015-جىلدان باستاپ ۇلتتىق ەكى كەزەڭگە ءبولىنۋى مۇمكىن
ءبىلىم جانە عىلىم مينيسترلىگىنەن بۇدان بۇرىن حابارلاعانداي، قازىرگى ءبىرىڭعاي تەست جۇيەسى ايتارلىقتاي ناتيجە كورسەتكەن جوق. ويتكەنى، «مەكتەپتەن العان ءبىلىمدى تەك ءبىر سالادا تولىق كورسەتۋ مۇمكىن ەمەس».
سوندىقتان ەندى مەكتەپ تۇلەكتەرى ەكى كەزەڭدىك سىناقتان وتەدى. الدىمەن ولار بىرنەشە پاننەن جازباشا ەمتيحان تاپسىرادى. ال جوعارعى وقۋ ورنىنا تۇسەر ساتتە كەشەندى تەستىلەۋگە قاتىسادى. ياعني، تالاپكەر الدىمەن اتتەستات الۋ ءۇشىن مەكتەپ ءبىتىرۋ ەمتيحانىن تاپسىرۋى كەرەك. ال جوعارعى وقۋ ورنىنا ءتۇسۋ ءۇشىن بولەك سىناقتان وتەتىن بولدى. ءارى ەكەۋى دە اۆتوماتتاندىرىلعان كومپيۋتەرلىك ادىسپەن جۇرگىزىلمەكشى. جالپى نوبايى جاسالعانىمەن، ازىرگە جوبا قۇراستىرىلۋ ۇستىندە.
كەشەندى تەست ەكى بەيىندى ءپان بويىنشا وتكىزىلۋى مۇمكىن. سونداي-اق ەمتيحاننىڭ ءوتۋ فورماسى دا وزگەرەدى دەپ كۇتىلۋدە. اتاپ ايتقاندا، ماتىنمەن جۇمىس جۇرگىزىلىپ، بىلىكتىلىكتى تەكسەرەتىن بىرنەشە تاپسىرمالار بەرىلەدى. بۇل وقۋشىلاردىڭ جاتتاندى ءبىلىمىن ەمەس، ونى ءىس جۇزىندە قانشالىقتى پايدالانا الاتىنىن انىقتايدى.
«قازاقپارات» اگەنتتىگى جاقىن ۋاقىتتارى ۇ ب ت- دا ورىن الۋى ىقتيمال رەفورمالار جايىندا ق ر ءبىلىم جانە عىلىم مينيسترلىگىنە رەسمي ساۋال جاسايدى جانە وسى سالاداعى وزگەرىستەر مەن جاڭاشىلدىقتاردى باقىلاپ وتىرماق.
اۆتور: جاسۇلان جولدىبايەۆ
