قازاقستان مەن بەلارۋس قورعانىس مينيسترلەرى 2015 - جىلعا ارنالعان ىنتىماقتاستىق جوسپارىن بەكىتتى
دەپ حابارلايدى ق ر ق م باسپا ءسوز قىزمەتى.
كەزدەسۋدە قازاقستان مەن بەلارۋس قورعانىس ۆەدومستۆولارىنىڭ باسشىلارى ەكى جاقتى ىنتىماقتاستىقتىڭ اعىمداعى جانە پەرسپەكتيۆالىق ماسەلەلەرىن تالقىلادى.
تاراپتار اسكەري جانە اسكەري- تەحنيكالىق ءوزارا ءىس- قيمىل، اسكەري ءبىلىم، كادرلار دايارلاۋ سالالارىنداعى بايلانىستاردىڭ قارقىندى دامىپ كەلە جاتقانىن اتاپ ءوتتى.
كوپتەگەن جىلداردان بەرى قازاقستان اسكەري قىزمەتشىلەردى ارنايى مامانداندىرىلعان ءبىلىم الۋ جانە وفيتسەرلىك قۇرامدى وقىتۋ ءۇشىن بەلارۋس رەسپۋبليكاسىنىڭ اسكەري جوعارى وقۋ ورىندارىنا جىبەرىپ كەلەدى.
«اسكەري سالاداعى ءوزارا ءىس- قيمىلدىڭ جوعارى دەڭگەيى تاراپتار مۇددەلىلىگىن عانا ءبىلدىرىپ قويماي، قولدا بار الەۋەتتى ءتيىمدى پايدالانىپ، ىنتىماقتاستىق ماسەلەلەرىنە كونسترۋكتيۆتى كوزقاراس قالىپتاسقانىن راستايدى» ، دەپ سانايدى ق ر قورعانىس ءمينيسترى.
تاراپتار وسى ورايدا «بىرلەسكەن وقۋ- جاتتىعۋلار وتكىزۋدەگى، جاۋىنگەرلىك دايارلىقتى جەتىلدىرۋدە تاجىريبە الماسۋداعى ەكى ەل قارۋلى كۇشتەرىنىڭ جەدەل ۇيلەسىمدىلىگىن ارتتىرۋداعى ۇلكەن مۇمكىندىكتەردى» اتاپ ءوتتى.
كەزدەسۋ سوڭىندا ي. تاسماعامبەتوۆ بەلارۋستىك ارىپتەسىن كەز كەلگەن ىڭعايلى ۋاقىتتا قازاقستانعا كەلۋگە شاقىردى.
سۇحباتتاسۋشىلار سونداي- اق قازىرگى زامانعى قاۋىپ- قاتەرلەرگە قارسى ارەكەت ەتۋ، قورعانىس پەن قاۋىپسىزدىك سالاسىنداعى ۇ ق ش ۇ كونسۋلتاتيۆتىك فۋنكتسيالارىنىڭ ىسكە اسىرىلۋى سياقتى ۇ ق ش ۇ- عا قاتىسۋشى مەملەكەتتەر ىنتىماقتاستىعىنىڭ وزەكتى ماسەلەلەرى بويىنشا پىكىر الماستى.
