قازاقستاندا جاسالعان: «قاراعاندى كامپيتى» ا ق 2015 - جىلى جاڭعىرتۋ جۇمىستارىنا 7 ميلليارد تەڭگەدەن استام قارجى باعىتتايدى - فوتو

قاراعاندى. قازاقپارات - «قاراعاندى كامپيتى» ا ق 2019 - جىلعا دەيىن ستراتەگيالىق دامۋ جوسپارىن قابىلدادى، دەپ حابارلادى كاسىپورىن باسشىلىعىنان.

 2015 - جىلى جاڭعىرتۋ جۇمىستارىن جانە جاڭا قوندىرعىلاردى ورناتۋ ءىسىن جۇرگىزۋ جوسپارلانعان. بۇگىندە قازاندىق شارۋاشىلىعى مەن تەمىر جول جاڭعىرتىلدى، سەحتاردىڭ عيماراتتارى كۇردەلى جوندەۋدەن ءوتتى.

 كاسىپورىن اقپاراتىنشا، 2015 - جىلى 7,4 ميلليارد تەڭگە ينۆەستيتسيانى يگەرۋ كوزدەلگەن. 2019 - جىلعا دەيىن جالپى 16,8 ميلليارد تەڭگە كولەمىندە ينۆەستيتسيا قاراستىرىلعان. التى وندىرىستىك سەحتى جاڭعىرتۋ جوسپارلانعان.

 ەسكە سالا كەتەيىك، 2014 - جىلى «قاراعاندى كامپيتى» ا ق قۇرىلتايشىلارى اۋىستى. شەتەلدىك اكسيونەرلەردەن كاسىپورىندى وتاندىق كاسىپكەرلەر ساتىپ الدى.

 قاراعاندى وبلىسىنىڭ اكىمى نۇرمۇحامبەت ابدىبەكوۆ «قاراعاندى كامپيتى» ا ق جانە وزگە دە ازىق- تۇلىك وندىرەتىن كاسىپورىنداردىڭ جۇمىسىمەن تانىستى.