قازاقستاندا 2015 - جىلعا 40 مىڭعا جۋىق ءبىلىم گرانتى ءبولىندى
بۇل تۋرالى استانادا وتكەن سەلەكتورلىق القا ماجىلىسىندە ءبىلىم جانە عىلىم ۆيتسە- ءمينيسترى تاكير بالىقبايەۆ ءمالىم ەتتى.
«كەلەر وقۋ جىلىنا مەملەكەتتىك تاپسىرىستى بەكىتۋ تۋرالى قاۋلى قابىلداندى. مەملەكەتتىك تاپسىرىس كولەمى 39994 ورىندى قۇرايدى، سونىڭ ىشىندە باكالاۆريات - 32168 گرانت، ماگيستراتۋرا - 7241 گرانت، دوكتورانتۋرا - 623 گرانت. وتكەن جىلدارداعىداي بيىل دا مەملەكەتتىك تاپسىرىستىڭ باسىم بولىگى تەحنيكالىق ماماندىقتارعا بەرىلەدى -% 42,4 »، - دەدى ۆيتسە- مينيستر.
ت. بالىقبايەۆتىڭ اتاپ وتۋىنشە، بيىلعى جىلدىڭ ەرەكشەلىگى - قازاق بولىمىندە وقيتىن تۇلەكتەرگە گرانتتاردىڭ %75- ى، ال ورىس ءتىلدى تۇلەكتەرگە %25- ى بەرىلەدى. «بۇنداي شەشىم قازاق بولىمىندەگى كونكۋرسقا قاتىسۋشىلاردىڭ سانى مەن جيناعان بالدار دەڭگەيىن ەسكەرە وتىرىپ قابىلدانعان»، - دەپ ءمالىم ەتتى ول.
