سايلاۋ-2015: ب ق و- دا 400 مىڭنان استام سايلاۋشى تىركەلىپ وتىر
وبلىستىق سايلاۋ كوميسسياسىنىڭ ءتوراعاسى عايسا قاپاقوۆتىڭ ايتۋىنشا، قازىرگى كەزدە سايلاۋشىلار ءتىزىمىن ناقتىلاۋ جۇمىستارى جۇرگىزىلۋدە.
پرەزيدەنت سايلاۋى - ەلىمىزدەگى اسا ماڭىزدى ساياسي ناۋقان. سايلاۋ كۇنى داۋىس بەرۋگە قاتىسۋ ءار ازاماتتىڭ پارىزى بولسا، ناۋقاندى ويداعىداي وتكىزۋدە سايلاۋ كوميسسيالارى مۇشەلەرىنە ۇلكەن جاۋاپكەرشىلىك جۇكتەلىپ وتىر. وبلىس بويىنشا بۇل جۇمىسقا 3759 ادام تارتىلسا، سونىڭ 152 ءسى سايلاۋ كوميسسياسىنىڭ مۇشەسى بولىپ جاڭادان تاعايىندالدى.
قازىرگى كەزدە سايلاۋعا دايىندىق بەكىتىلگەن كۇنتىزبەگە ساي اتقارىلۋدا. 523 ۋچاسكەلىك جانە 13 اۋداندىق، قالالىق سايلاۋ كوميسسيالارىنىڭ ءتوراعالارى وبلىستىق سەمينار-ترەنينگكە قاتىسىپ، وزدەرىنە جۇكتەلگەن مىندەتتەر تۋرالى تولىق حاباردار ەتىلدى.
سول سياقتى اۋدان بويىنشا قالعان كوميسسيا مۇشەلەرى وسىنداي سەمينارلارعا قاتىسىپ، ءوز ءبىلىم- بىلىكتەرىن جەتىلدىردى. قازىرگى كۇندە 523 سايلاۋ ۋچاسكەسى تالاپقا ساي جۇمىستار اتقارۋدا. كەرەكتى ادىستەمەلىك قۇرالدارى تولىق بەرىلدى، قوسىمشا 8 مىڭ مەتر ماتا، 420 تاسىمالداناتىن جانە 300 تۇراقتى جاشىكتەرمەن قامتاماسىز ەتىلدى.
سايلاۋشىلارعا كەرەكتى اقپارات الۋ ءۇشىن قالادا جانە بارلىق اۋدانداردا اقپارات ورتالىقتارى اشىلدى. وبلىستىق سايلاۋ كوميسسياسىنىڭ وتىرىسىندا اۋداندىق كوميسسيالاردىڭ سايلاۋعا دايىندىعى جونىندە ەسەپتەر تىڭدالدى. بۇگىنگى تاڭدا ۋچاسكەلىك كوميسسيالار داۋىس بەرەتىن تۇرعىنداردىڭ سايلاۋشىلار تىزىمىندە بار-جوعىن انىقتاۋ جانە دەر كەزىندە شاقىرۋ قاعازدارىن ۇلەستىرۋ جۇمىستارىن جۇرگىزۋدە.
باستى مىندەت - ءار ازاماتتىڭ سايلاۋ تۋرالى كونستيتۋتسيالىق قۇقىعى تولىق تۇردە ساقتالۋىن قامتاماسىز ەتىپ، قولدا بار بارلىق جاعدايدى جاساۋ. ءاربىر سايلاۋشىنىڭ سىن-ەسكەرتپەلەرىن، ۇسىنىستارىن دەر كەزىندە قاراپ، جاۋاپ بەرۋ.
سايلاۋ زاڭدىلىعىنىڭ ساقتالۋىن قاداعالاۋ ءۇشىن بۇگىنگى تاڭدا 500 دەن استام بايقاۋشى تىركەلىپ، جۇمىس اتقارۋدا. سونىڭ ىشىندە ە ق ى ۇ ميسسياسىنىڭ ۇزاق مەرزىمدى ەكى بايقاۋشىسى كەلىپ، اۋدانداردى ارالاۋدا.
وسى ۋاقىتقا دەيىن سايلاۋعا بايلانىستى زاڭبۇزۋشىلىقتار بولعان جوق.
اۆتور: ەلجان ەرالى
