بەلورۋس قىزى «الەم حانىمى-2014» بايقاۋىندا جەڭىپ شىقتى
بايقاۋ ا ق ش-تىڭ مەريلەند شتاتىندا ءوتتى. «الەم حانىمى-2014» بايقاۋىنىڭ 31 جاستاعى جەڭىمپازى ءتورت جىل بۇرىن تۇرمىسقا شىققان. ول - تەلەجۇرگىزۋشى ءارى ءانشى. بايقاۋعا بارلىعى 35 ەلدىڭ ارۋى قاتىستى. ايتا كەتەيىك، كونكۋرسقا تەك تۇرمىسقا شىققاندار عانا قاتىسا الادى. ودان بولەك، بۇل بايقاۋدا قازىلار القاسى بالاسى بار، قايىرىمدىلىقپەن اينالىساتىن قاتىسۋشىعا ايرىقشا قۇرمەت كورسەتەدى. بايقاۋدىڭ نەگىزگى ميسسياسى - وتباسى قۇندىلىعىن، بەيبىتشىلىكتىڭ، قايىرىمدىلىقتىڭ جانە سۇلۋلىقتىڭ يدەالىن ناسيحاتتاۋ.
بايقاۋ 1985-جىلدان بەرى وتكىزىلەدى. ول كەلەسى جىلى قىتايدا وتەدى. ايتا كەتەيىك، مۇنىڭ الدىندا «الەم حانىمى-2015» بايقاۋىن رەسەيدىڭ يالتا قالاسىندا وتكىزۋ مۇمكىندىگى تالقىلانىپ جاتقان ەدى. سونىمەن بىرگە، بۇل بايقاۋعا 2013-جىلى قاتىسقان قازاقستاندىق قاتىسۋشىنىڭ قىتايدىڭ گۋانجۋ قالاسىندا وتكەن بايقاۋ ۇيىمداستىرۋشىلارىن سىنعا العانى حابارلاندى. «كونكۋرس تومەن دەڭگدەيدە ۇيىمداستىرىلعان، تاپسىرىلعان فورمۋلامەن ەش بايلانىستى بولمادى. «الەم حانىمى» دەڭگەيىنە سايكەس بولمادى. (...) مەنىڭ ايتىپ، كورسەتكىم كەلگەننىڭ ەشقايسىسى دا ۇيىمداستىرۋشىلاردىڭ ويىمەن ۇندەسپەيتىنىن بايقادىم. مۇنىڭ تەك جەكە بيزنەس ەكەنىن ءتۇسىندىم. بۇل ماعان سايكەس كەلمەيدى، مۇنداي شارالارعا قاتىسۋدان باس تارتتىم»، - دەدى ب ا ق وكىلدەرىنە ۆيكتوريا مومىنبايەۆا.
وسىعان دەيىن ب ا ق- تاردا «الەم حانىمى-2014» بايقاۋىندا سانكت-پەتەربۋرگ قالاسىنىڭ 28 جاستاعى تۇرعىنى يۋليا يونينا جەڭىپ شىققانى جايلى حابارلانعان ەدى. كەيىن ول باسقا كونكۋرسقا قاتىسقانىن جانە Mrs Queen Beauty World-2014 تيتۋلىن العانىن ايتىپ بەردى.
tengrinews.kz
