ينچحون-2014: جەڭىل اتلەتشى قازاقستان قورجىنىنا ون جەتىنشى التىندى سالدى

استانا. قازاقپارات - جەڭىل اتلەتشى مارگاريتا مۇقاشيەۆا ازيادادا قازاقستان قورجىنىنا ون جەتىنشى التىندى سالدى، دەپ جازادى Sports.kz.

بۇگىن ازيا ويىندارىندا جەڭىل اتلەتيكا بويىنشا ايەلدەر اراسىندا 800 مەتر قاشىقتىقتاعى جارىستىڭ فينالى ءوتتى.

1:59,02 (ازيا ويىندارىنىڭ رەكوردى) ناتيجەسىمەن قازاقستاندىق مارگاريتا مۇقاشيەۆا التىننان القا تاقتى.

كۇمىس ءۇندىستاندىق لۋككي تينتۋگە، ال قولا مەدال قىتايلىق تسزين چجاوعا بۇيىردى.

بۇل - ينچحونداعى ويىنداردا قازاقستان قۇراماسىنىڭ قورجىنىنا تۇسكەن ون جەتىنشى التىن.

ايتا كەتەيىك، قازاقستاننىڭ ون التىنشى التىن مەدالىن سۋ پولوسى بويىنشا ەلدىڭ ەرلەر قۇراماسى جەڭىپ العان ەدى.