14:45, 26 - قىركۇيەك 2014 | GMT +5
ينچحون-2014: قازاقستاندىق بوكسشى شارشى الاڭعا شىقپاي-اق كەلەسى اينالىمعا جولداما الدى
الماتى. قازاقپارات - بۇگىن وڭتۇستىك كورەيانىڭ ينچحون قالاسىندا ءوتىپ جاتقان 17- ازيا ويىندارىندا بوكستان 1/8 فينالدىق كەزدەسۋلەر باستالدى.
بوكستان 2013-جىلى وتكەن الەم بىرىنشىلىگىنىڭ قولا جۇلدەگەرى قايرات ەراليەۆ (56 كەلى) شارشى الاڭعا شىقپاي-اق كەلەسى اينالىمعا جولداما الدى. ويتكەنى ونىڭ قارسىلاسى كاتارلىق دجوماح اربابي رينگە شىقپاي قالدى.
ەندى قايرات شيرەك فينالدا يوردانيالىق موحامماد الۆاديمەن قولعاپ تۇيىستىرەدى. الۆادي ءوز كەزەگىندە تاجىك اسرور ۆاحيدوۆتى تىزە بۇكتىرگەن ەدى.
ال تۇستەن كەيىن ساعات 16:00 دە تاعى ءبىر قازاقستاندىق بوكسشى انتون پينچۋك (91 كەلىگە دەيىن) قىرعىزستاندىق سەرگەي پارەنكومەن جەكپە-جەككە شىعادى.
اۆتور: جاپپاربەرگەن ايبوتا
