08:42, 09 - شىلدە 2014 | GMT +5
ءاچ-2014: برازيليالىق جانكۇيەرلەر سان-پاۋلۋدا جاپپاي تارتىپسىزدىكتەر ۇيىمداستىردى
استانا. قازاقپارات - برازيليالىق جانكۇيەرلەر فۋتبولدان الەم چەمپيوناتىنىڭ 1/2 فينالى بارىسىندا سان-پاۋلۋ قالاسىندا جاپپاي تارتىپسىزدىكتەر ۇيىمداستىردى، دەپ حابارلايدى بىرىنشىلىكتىڭ تۆيتتەردەگى رەسمي پاراقشاسى.

بۇگىن برازيليادا ءوتىپ جاتقان فۋتبولدان الەم چەمپيوناتىنىڭ جارتىلاي فينالدىق باسەكەسىندە برازيليا گەرمانيا قۇراماسىنان 7:1 ەسەبىمەن جەڭىلىپ قالعان بولاتىن.
ماتچ بەلۋ-وريزونتي قالاسىنداعى "مينەراۋ" ستاديونىندا وتكەنىن ايتا كەتۋ كەرەك.
ويىن بارىسىندا سان-پاۋلۋدا جانكۇيەرلەر جاپپاي تارتىپسىزدىكتەرگە بوي الدىرىپ، كوشەدە ءورت قويدى.
پوليتسيا قىزمەتكەرلەرى ولارعا قارسى كوزدەن جاس اعىزاتىن گاز قولداندى. ازىرگە ونىڭ سالدارى جايىندا مالىمەت جوق.
اۆتور: جاسۇلان جولدىبايەۆ