00:32, 22 - ماۋسىم 2014 | GMT +5
فۋتبول-2014: ارگەنتينا يران قۇراماسىن جەڭدى
استانا. قازاقپارات - بۇگىن برازيليادا فۋتبولدان الەم چەمپيوناتى كەزىندە ارگەنتينا يران قۇراماسىن 1:0 ەسەبىمەن تىزە بۇكتىردى.

ماتچتاعى جالعىز گولدى قوسىمشا ۋاقىتتا 90+2 مينۋتىندا ليونەل مەسسي سالدى. ويىن بارىسىندا ءساتتى قورعانىپ كەلگەن يراندىقتاردى الەمنىڭ ەڭ ۇزدىك فۋتبولشىسى مەسسي الىستان تەپكەن سوققىسى ارقىلى سان سوقتىرىپ كەتتى.
ايتا كەتەيىك، توپتىق كەزەڭدە مەسسي بوسنييا جانە گەرسوگوۆينا قاقپاسىن گول سالىپ، ءوز كومانداسىن جەڭىسكە جەتەلەگەن بولاتىن.
ەكى كەزدەسۋدە جەڭىسكە قول جەتكىزگەن ارگەنتينا ءوز توبىندا 6 ۇپايمەن كوش باستاپ كەلەدى.