قازاقستان شەكاراسىنداعى ءۇش وتكىزۋ بەكەتىن جاڭعىرتۋ 2014-2015 - جىلدارى اياقتالادى

استانا. قازاقپارات - قازاقستان شەكاراسىنداعى ءۇش وتكىزۋ بەكەتىن جاڭعىرتۋ 2014-2015 - جىلدارى اياقتالادى. بۇل تۋرالى كةشة ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر قارجى ۆيتسە- ءمينيسترى بەرىك شولپانقۇلوۆ ايتتى.

«كەدەندىك اكىمشىلەۋگە قاتىستى ايتار بولسام، سىرتقى شەكاراداعى وتكىزۋ بەكەتتەرىن جاڭعىرتۋ جانە جاراقتاندىرۋ جونىندەگى كەڭەس بارىسىندا بۇل ماسەلە قاراستىرىلدى» ، دەدى ول.

ۆيتسە- ءمينيستردىڭ اتاپ وتۋىنشە، وتكەن جىلى كەدەن قىزمەتىندە زاماناۋي ينفراقۇرىلىم قۇرۋ اياسىندا «مايقاپشاعاي» كەدەن بەكەتىنىڭ قۇرىلىسى اياقتالىپ، «باقتى» بەكەتى جاڭعىرتۋدان ءوتتى.

«2014-2015 - جىلدارى «قورداي» ، «قونىسباي» ، «قالجات» وتكىزۋ بەكەتتەرىن جاڭارتۋ جانە جاڭعىرتۋ جوسپارلانىپ وتىر. وتىرىس بارىسىندا ەكسپورت پەن يمپورت تاۋارلارىن ەلەكتروندى دەكلاراتسيالاۋ پروتسەسىنە، ناقتىلايتىن قۇجاتتاردى ۇسىنباستان اقپارات الماسۋدىڭ قاعاز تۇرىنەن ەلەكتروندى تۇرىنە كوشۋگە قاتىستى ماسەلەلەرگە نازار اۋدارىلدى. بۇل كەدەندىك راسىمدەۋ مەن كەدەندىك باقىلاۋ پروتسەسىن بارىنشا جەڭىلدەتىپ، شەكاراداعى وتكىزۋ قابىلەتىن ارتتىرا تۇسەدى» ، - دەدى ب. شولپانقۇلوۆ.

اۆتور: مارلان جيەمباي