اتىراۋ وبلىسىنىڭ ەكونوميكاسىنا 2014 - جىلى 1 تريلليون تەڭگەدەن استام قارجى قۇيىلعان

اتىراۋ. قازاقپارات - اتىراۋ وبلىسىنىڭ ەكونوميكاسىنا 2014 -جىلى 1 تريلليون 119,4 ميلليارد تەڭگە ينۆەستيتسيالانعان.

بۇل 2013 - جىلعى كورسەتكىشتىڭ 103,5 پايىزى، دەپ حابارلايدى وبلىستىق اكىمدىكتىڭ باسپا ءسوز قىزمەتى.

«2014 -جىلى اتىراۋدا قازاقستان جانە رەسەي پرەزيدەنتتەرىنىڭ قاتىسۋىمەن ХI  ءوڭىرارالىق فورۋم وتكىزىلدى. بۇل ءوڭىردىڭ سىرتقى ەكونوميكالىق بايلانىستارىنا تىڭ سەرپىن بەردى. ناقتىراق ايتساق، اتىراۋ وبلىسى مەن تاتارستان جانە باشقۇرتستان رەسپۋبليكالارى ساۋدا- ەكونوميكالىق جانە عىلىمي- تەحنيكالىق بايلانىستار جونىندە ءوڭىرارالىق كەلىسىمگە قول قويدى.

شەتەلدىك ينۆەستورلارعا قولايلى جاعداي تۋعىزۋ ءۇشىن 2014 - جىلى مۇندا «اتىراۋ Innovations»  اتتى ينۆەستيتسيالىق ورتالىق اشىلدى. ورتالىق ينۆەستورلارعا اقپاراتتىق- ساراپتامالىق جانە قىزمەتتىك قولداۋ كورسەتەدى»، دەلىنگەن اكىمدىك مالىمەتىندە.