استانادا 200 گە جۋىق دۇكەن ازىق-تۇلىك باعاسىن قولدان كوتەرگەن
بۇل تۋرالى قالا اكىمىنىڭ ورىنباسارى ەرلان بەكمىرزايەۆ ءمالىم ەتتى، دەپ حابارلايدى قازاقپارات ءتىلشىسى.
«جىل باسىنان بەرى ءبىزدىڭ مونيتورينگتىك توپ 500 گە جۋىق دۇكەندى تەكسەرىپ شىقتى. ونىڭ ىشىندە 198 دۇكەن تاۋاردى ۇستەمە باعامەن ساتىپ كەلگەن. بىزدە ساۋدا تۋرالى زاڭ بار، ول بويىنشا الەۋمەتتىك ماڭىزى بار تاۋارلارعا ۇستەمەاقى %15 دان اسپاۋى ءتيىس»، - دەدى ەرلان بەكمىرزايەۆ ەلوردالىق كاسىپكەرلەرمەن كەزدەسۋ بارىسىندا.
ونىڭ ايتۋىنشا، اكىمدىك ساۋدا جەلىلەرىمەن بەلگىلەنگەن باعادان اسىرماۋ تۋرالى مەموراندۋم جاساسقان.
«وكىنىشكە قاراي، مەموراندۋمعا قالانىڭ بارلىق ساۋدا جەلىلەرى قول قويعان جوق. ءبىز بۇل جەردە بارلىق تاۋار تۋرالى ايتىپ وتىرعان جوقپىز. باعانى كوتەرمەۋ الەۋمەتتىك ماڭىزى بار 19 اتاۋلى ازىق-تۇلىككە قاتىستى. سوندىقتان دا شاعىن بيزنەستى، ءۇي جانىنداعى دۇكەن يەلەرىن الەۋمەتتىك ماڭىزى بار تاۋارلاردىڭ باعاسىن ۇستاپ تۇرۋعا جانە باعانى قولدان وسىرمەۋگە شاقىرامىز»، - دەيدى ول.
ايتا كەتسەك، ەلوردادا قالا ورىنباسارىنىڭ ورىنباسارى، قالالىق كاسىپكەرلەر پالاتاسى باسشىلىعى جانە ءتۇرلى بيزنەس وكىلدەرىنىڭ قاتىسۋىمەن جيىن ءوتتى.
شارادا دەنساۋلىق ساقتاۋ، تۋريزم، ساۋدا جانە قىزمەت كورسەتۋ بويىنشا ماسەلەلەر ورتاعا سالىندى.
