ەرالى توعجانوۆ: 200 مىڭنان استام جۇمىسشىنىڭ تابىسىن ارتتىرۋ كوزدەلىپ وتىر

نۇر-سۇلتان. قازاقپارات - جوبالاردى جۇزەگە اسىرۋ بارىسىن كۆازيمەملەكەتتىك سەكتورداعى ءىرى كومپانيالاردىڭ باسشىلارى ەلگە ءتۇسىندىرىپ ايتۋى كەرەك.
None
None

بۇل تۋرالى ەلوردادا «حالىقتىڭ تابىسىن ارتتىرۋدىڭ 2025 -جىلعا دەيىنگى باعدارلاماسى» كەشەندى جوسپارىنا ارنالعان جيىندا ق ر پرەمەر-ءمينيسترىنىڭ ورىنباسارى ەرالى توعجانوۆ ايتتى، دەپ حابارلايدى قازاقپارات ءتىلشىسى.

«حالىقتىڭ تابىسىن ارتتىرۋ باعدارلاماسىن ساراپشىلار قوعاممەن ءبىراز تالقىلادى. ونى وتە ماڭىزدى، حالىققا كەرەك جوبا دەپ اتاپ وتۋگە بولادى. اتاپ ايتقاندا، بۇكىل قازاقستان حالقىنىڭ ءال- اۋقاتىنا نازار اۋدارىلىپ وتىر. بۇل باعدارلاماعا ەلىمىزدىڭ بارشا مينيسترلىگى جانە بۇكىل ايماقتاعى اكىمدەر تىكەلەي جاۋاپتى. ونىڭ نەگىزگى باعىتى ناقتى جۇمىس ورىندارىن قۇرۋعا ارنالعان. وسى ورايدا ناقتى سالالار بويىنشا تالقىلاۋلار بولادى، ياعني وندىرىستىك پەرسونالدا قىزمەت ەتەتىن ازاماتتاردىڭ ءال- اۋقاتىن جاقسارتۋعا، جالاقىسىن ارتتىرۋعا بايلانىستى ۇلكەن كۆازيمەملەكتتىك سەكتورداعى كومپانيالاردىڭ ورنى مەن قابىلدانعان شارالار تۋرالى ءتيىستى شەشىم جاسايمىز دەپ كەلىسكەن ەدىك. سول باعدارلامانىڭ ىشىندە «سامۇرىق- قازىنا» قورىنا قاتىستى كوپتەگەن ءىرى كومپانيالار بار. بۇل رەتتە ولاردىڭ جۇمىسىنداعى ءىس- شارالار مەن جۇمىس ىستەيتىن ازاماتتاردىڭ دا تابىسىن ارتتىرۋ جوبالارىن ىسكە اسىرۋىمىز كەرەك»، - دەدى ە. توعجانوۆ.

وسى ورايدا ول جوسپار بويىنشا «سامۇرىق- قازىنا» قورى قۇرامىنداعى كومپانيالاردا جۇمىس ىستەيتىن 200 مىڭنان استام ادامنىڭ تابىسىن ارتتىرۋعا ەكپىن قويىلعانىن اتاپ ءوتتى.

«سوندىقتان وسى باعىتتا اۋقىمدى جۇمىستار باستالادى. العا قويىلعان ماقسات بويىنشا ىسكە اساتىن جوبالار حالىقتىڭ تابىسىنا قالاي اسەر ەتەتىنىن تۇرعىندار ءبىلۋى كەرەك. وسىنىڭ ءبارى ەلگە اشىق كورسەتىلۋى كەرەك. جوبالاردىڭ جۇزەگە اسىرىلۋىن كۆازيمەملەكەتتىك سەكتورداعى ءىرى كومپانيالاردىڭ باسشىلارى ەلگە ءتۇسىندىرىپ ايتۋى كەرەك»، - دەدى ۇكىمەت باسشىسىنىڭ ورىنباسارى. بۇدان بۇرىن حابارلانعانداي، ۇكىمەت حالىقتىڭ تابىسىن ارتتىرۋ باعدارلاماسىن ازىرلەدى. قابىلدانعان بۇل باعدارلاما اياسىندا 2 ميلليون جۇمىس ورنى اشىلادى.

اۆتور: رۋسلان عابباسوۆ


سوڭعى جاڭالىقتار