نيگەريادا 200 مەكتەپ وقۋشىسى ۇرلاندى

نۇر-سۇلتان.قازاقپارات -نيگەريانىڭ نيگەر شتاتىندا قارۋلى توپ 200 گە جۋىق مەكتەپ وقۋشىسىن ۇرلاپ اكەتتى، دەپ حابارلايدى «حابار 24».

اقپارات كوزدەرىنىڭ حابارلاۋىنشا، قاسكويلەر تەگينا قالاسىنداعى مەكتەپكە شابۋىل جاساعان. اتىستان ەكى ادام جاراقات الىپ، كەيىن ولاردىڭ بىرەۋى قازا تاپقان. ەكىنشىسى اۋىر حالدە جاتىر.

نيگەر شتاتىنىڭ بيلىگى مەكتەپكە جاسالعان شابۋىلدى راستاپ وتىر. الايدا ۇرلانعان وقۋشىلاردىڭ ناقتى سانىن حابارلاعان جوق. ايتا كەتەيىك، بالالاردى ۇرلاپ اكەتۋ وقيعاسى نيگەريادا العاش رەت تىركەلىپ جاتقان جوق. ادەتتە مۇنداي قادامعا بارعان راديكالدار بالالاردى بوساتۋ ءۇشىن اقشا تالاپ ەتەدى.