10:42, 02 - قىركۇيەك 2020 | GMT +5
كاسىپورىنداردى قولداۋ ءۇشىن قوسىمشا 200 ميلليارد تەڭگە بولىنەدى
نۇر-سۇلتان. قازاقپارات - ق ر ۇلتتىق بانك ءتوراعاسى ەربولات دوسايەۆ كاسىپورىنداردى قولداۋ ءۇشىن قوسىمشا 200 ميلليارد تەڭگە بولىنەتىنىن ايتتى، دەپ حابارلايدى قازاقپارات ءتىلشىسى.
«مەملەكەت باسشىسىنىڭ تاپسىرماسى بويىنشا ەكونوميكالىق ءوسۋدى قالپىنا كەلتىرۋ ماقساتىندا داعدارىس سالدارىنان ايتارلىقتاي زارداپ شەككەن سەكتورلارداعى كاسىپورىنداردى قولداۋ ءۇشىن قوسىمشا 200 ميلليارد تەڭگە بولىنەدى. سالالار تىزبەسىن ۇكىمەت «اتامەكەن» ۇلتتىق كاسىپكەرلەر پالاتاسىمەن بىرلەسىپ انىقتايتىن بولادى»، - دەدى ە. دوسايەۆ ۇكىمەت وتىرىسىندا.
وسى ورايدا ول ۇلتتىق بانكتىڭ جەڭىلدىكپەن كرەديتتەۋ باعدارلاماسى 800 ميلليارد تەڭگەگە دەيىن جەتكىزىلىپ، 2021-جىلدىڭ سوڭىنا دەيىن ۇزارتىلاتىنىن ناقتالادى.
بۇدان بۇرىن حابارلانعانداي، پرەزيدەنت جولداۋىندا قازىرگى داعدارىس جاعدايىندا بۇل باعدارلامانىڭ ارەكەت ەتۋ مەرزىمىن 2021-جىلدىڭ سوڭىنا دەيىن ۇزارتۋدى جانە ونىڭ قامتۋ اياسىن كەڭەيتۋدى تاپسىردى.
