كوروناۆيرۋسقا قاتىستى تاراعان 200 گە جۋىق جالعان اقپارات انىقتالدى

نۇر- سۇلتان. قازاقپارات – ق ر دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ كوروناۆيرۋس ىندەتى تۋرالى جالعان اقپارات تاراتپاۋدى سۇرادى، دەپ حابارلايدى قازاقپارات ءتىلشىسى.

«قورقىنىش تۋدىراتىن حابار تاراتۋدى توقتاتىڭىزدار. ولاردىڭ ءبارى قاۋەسەتكە تولى ەكەنىن تاعى دا ەسكەرتەمىز. ادامداردى شاتاستىرۋ جاقسىلىققا اپارمايدى. سوندىقتان دا رەسمي اقپاراتتارعا عانا سۇيەنىڭىزدەر. حالىقارالىق ۇيىمدار كوروناۆيرۋس تۋرالى 200 گە جۋىق جالعان اقپاراتتى تىركەدى. قاۋەسەتتەر مەن جالعان اقپاراتتاردى تالداي وتىرىپ، ولاردىڭ شىندىققا جاناسپايتىنىن ايقىن دالەلدەگەن جۋرناليستەر مەن بلوگەرلەرگە العىسىمىزدى بىلدىرەمىز» ، - دەدى دياس احمەتشارىپ قازمەديا ورتالىعىندا وتكەن بريفينگتە.

ونىڭ ايتۋىنشا، دەنساۋلىق ساقتاۋ مينيسترلىگى كوروناۆيرۋس جاعدايى تۋرالى كۇن سايىن رەسمي اقپارات تاراتادى.

«مەن بۇگىننەن باستاپ ق ر دەنساۋلىق ساقتاۋ مينيسترلىگىنىڭ رەسمي وكىلى بولىپ تاعايىندالدىم. ءبىز كوروناۆيرۋسكە بايلانىستى جاعدايدى حالىققا جەدەل جاريالاپ وتىرۋ ءۇشىن وسى كوممۋنيكاتسيالىق الاڭدى قۇردىق. ءار جۇمىس كۇنى، ساعات 16.00 دە دەنساۋلىق ساقتاۋ مينيسترلىگىنىڭ رەسمي وكىلى رەتىندە سىزدەرگە كۇندەلىكتى جاعدايدى ءتۇسىندىرىپ وتىرامىن. ءبىز بارلىق ازاماتتار مەن جۋرناليستەردەن ۇرەي تۋعىزاتىن جالعان اقپارات تاراتۋدى توقتاتۋدى سۇرايمىز. سوندىقتان دا پرەزيدەنت، ۇكىمەت جانە دەنساۋلىق ساقتاۋ مينيسترلىگىنىڭ سايتتارى سياقتى رەسمي دەرەككوزدەردى پايدالانۋدى وتىنەمىز» ، - دەدى د. احمەتشارىپ.

بۇعان دەيىن مينيسترلىكتىڭ رەسمي وكىلى ۋحان قالاسىنان ەۆاكۋاتسيالانعان ستۋدەنتتەردىڭ اۋرۋحانادان قاشان شىعارىلاتىنىن ايتقان ەدى.

ونىڭ ايتۋىنشا، 94 ادام دەنە قىزۋى مەن جرۆي شاعىمىمەن وقشاۋلانعان اۋرۋحاناعا جاتقىزىلدى .