تۇركيا قازاقستاندىقتار ءۇشىن 200-گە جۋىق وقۋ گرانتىن بولەدى
تۇركيانىڭ مەملەكەتتىك جوعارى وقۋ ورىندارىندا ءبىلىم الۋ تەگىن، تەك جىل سايىنعى ستۋدەنتتىك تولەمدەرى بار. تاڭدالعان فاكۋلتەتتەر مەن ۋنيۆەرسيتەتتەرگە بايلانىستى تولەم سومماسى جىلىنا 300-دەن 800-گە دەيىن دوللاردى قۇرايدى.
جىل سايىن تۇركيا ۇكىمەتى «تۇركيا ستيپەندياسى/Turkey Scholarships» باعدارلاماسى بويىنشا تۇرىك ۋنيۆەرسيتەتتەرىندە ءبىلىم الۋعا قازاقستان ازاماتتارىنا 200-گە جۋىق گرانت بولەدى.
ايتا كەتسەك، تۇركياداعى جوعارى وقۋ ورىندارى بارلىق شەتەلدىك ستۋدەنتتەرگە (قازاقستان ستۋدەنتتەرى تۇركيا ۋنيۆەرسيتەتتەرى ءۇشىن شەتەل ستۋدەنتتەرى) ءبىلىم كورسەتكىشتەرىنە سايكەس %100 تەگىن ءبىلىم الۋ مۇمكىندىگىن ۇسىنادى.
سونداي-اق، «حالىقارالىق باعدارلامالار ورتالىعى» ا ق- مەن تۇركيا ۋنيۆەرسيتەتتەرى اراسىندا جاسالعان كەلىسىم شارتتار شەڭبەرىندە قازاقستان ازاماتتارى ءۇشىن تاياۋ شىعىس تەحنيكالىق ۋنيۆەرسيتەتى، ەۋروپالىق لەفكە ۋنيۆەرسيتەتى، ستامبۋل شەحير ۋنيۆەرسيتەتى ت. ب. ۋنيۆەرسيتەتتەر تاراپىنان قوسىمشا گرانتتار بەرىلەدى.
