يندونەزياداعى اۋە اپاتى: 200 گە جۋىق ادام قازا تاپتى

 استانا.قازاقپارات - يندونەزيانىڭ جاعالاۋلارىنداعى ۇشاقتىڭ اپاتقا ۇشىراۋى سالدارىنان 200-گە جۋىق ادام قازا تاپتى، دەپ حابارلايدى.

يندونەزيالىق Boeing 737 جولاۋشىلار ۇشاعى اپاتقا ۇشىرادى. ول ياۆا ارالىنىڭ باتىس جاعالاۋىنداعى تەڭىزگە قۇلاپ كەتتى. يندونەزيالىق باق بورتتا 188 جولاۋشى جانە ەكيپاج مۇشەلەرى، ونىڭ ىشىندە 178  ەرەسەك ادام، ۇشەۋى بالا بولعانىن مالىمدەگەن ەدى. ىزدەستىرۋ جانە قۇتقارۋ جونىندەگى ۇلتتىق اگەنتتىك وكىلدەرىنىڭ مالىمەتىنشە، Boeing 737-MAX 8 لاينەرى «دجاكارتا -  پانكالپينانگ» باعىتىنداعى دجاكارتا اۋەجايىنان ۇشىپ شىققاننان كەيىن شامامەن 13 مينۋت وتكەن سوڭ اپاتقا ۇشىرادى. وسىدان كەيىن بىردەن ىزدەۋ وپەراتسياسى باستالدى. ۇشۋ ۋاقىتى تەك ءبىر ساعاتقا جالعاسۋى كەرەك ەدى جانە Flightradar 24 سايتى حابارلاعانداي، ۇشاق 1.500 مەتر بيىكتىكتى العاننان كەيىن، بەلگىسىز سەبەپتەرمەن كۇرت تومەندەپ، تەڭىزگە قۇلاپ كەتتى.