ءتارتىپ بۇزعان تورەعالي ءۇشىن اۋەجاي قىزمەتكەرلەرى 200 مىڭ تەڭگە ايىپپۇل تولەيدى

 الماتى. قازاقپارات - بيلەتى جوق ادامنىڭ اۋەجايدىڭ ۇشۋ ايماعىنا رۇقساتسىز وتكەنى ءۇشىن اۋەجاي قىزمەتكەرلەرى 200 مىڭ تەڭگەگە جۋىق ايىپپۇل تولەيتىن بولدى، دەپ حابارلايدى قازاقپارات ءتىلشىسى.

ق ر ي د م ازاماتتىق اۆياتسيا كوميتەتىنىڭ فەيسبۋكتەگى پاراقشاسىندا جاريالانعان اقپاراتقا سايكەس، رۇقساتى جوق جولاۋشىنىڭ ۇشۋ زوناسىنا كىرۋىنە بايلانىستى كوميتەت جوسپاردان تىس تەكسەرىس جۇرگىزگەن بولاتىن.

 «اتالعان تەكسەرۋ ناتيجەسىندە ق ر ا ق ب ك 570-بابىنىڭ 1-بولىمىمەن الماتى حالىقارالىق اۋەجايىنىڭ اۆياتسيا قاۋىپسىزدىگى ءبولىمى ينسپەكتورى راقىمگەرەيەۆ رينات، قىرعىزبايەۆ ابىلاي، زاكيروۆا شولپان، «ەير استانا» كومپانياسى جولاۋشىلارعا قىزمەت كورسەتۋ اگەنتى ابدراحيپوۆا كارينا جاۋاپكەرشىلىككە تارتىلدى. ولاردىڭ ءارقايسىسى 20 ا ە ك مولشەرىندە (48100 ت گ) ، جالپى العاندا 192000 تەڭگە كولەمىندە ايىپپۇل تولەيتىن بولدى» دەلىنگەن جازبادا.