ۇرىمجىدە 200 قازاقستاندىق پەن قىرعىزستاندىق ناۋرىزدى مەرەكەلەدى
شارانى ءۇرىمجى قالاسىنداعى ق ر ءتول قۇجات-ۆيزالىق قىزمەتىنىڭ قولداۋىمەن قىتايداعى قازاقستاندىق ستۋدەنتتەردىڭ شىڭجاڭدىق بولىمشەسى ۇيىمداستىردى.
ستۋدەنتتەر كونسەرت قويدى. كورەرمەندەرگە قازاق اندەر مەن كۇيلەرى جانە بيلەرى ۇسىنىلدى. قوناقتار كورىپ قانا قويماي، ارقان تارتۋ جانە وزگە دە قازاقتىڭ ۇلتتىق ويىندارىنا قاتىستى، ناۋرىز كوجەدەن ءدام تاتتى.
ەسكە سالا كەتسەك، 25- ناۋرىزدا وسى قالادا قازاقستاندىق ستۋدەنتتەر قازاقستان، قىرعىزستان جانە قىتايدان 8 كوماندانىڭ قاتىسۋىمەن شاعىن فۋتبول ۇيىمداستىرعان بولاتىن.
قىتايدا ناۋرىزدى تويلاۋ ش ى ۇ اياسىندا 21- ناۋرىزدا باستالدى. سول كۇنى بەيجىڭدەگى قازاق دياسپوراسى مەرەكەلىك كونسەرت قويدى. 23- ناۋرىزدا ازەربايجان، قازاقستان، قىرعىزستان، تاجىكستان، تۇرىكمەنيا جانە وزبەكستان وكىلدەرى بىرلەسىپ مەرەكەلىك شارا ۇيىمداستىردى.
ال 30-31- ناۋرىزدا ەلىمىزدىڭ جاستارى گونكونگ، شيان جانە شاڭحايدا تەاترلاندىرىلعان شوۋ جانە كونسەرتپەن اتاپ ءوتتى.
