ءبىر تاۋلىكتە 200 دەن استام قازاقستاندىقتى ۇسىك شالدى - د س م
بۇل تۋرالى قازاقپارات تىلشىسىنە ق ر دەنساۋلىق ساقتاۋ ۆيتسە-ءمينيسترى ءلاززات اقتايەۆا ايتتى.
«رەسپۋبليكالىق سانيتارلىق اۆياتسيا ورتالىعى كەلتىرگەن دەرەكتەرگە سايكەس، 2018-جىلدىڭ 23- قاڭتارىندا قازاقستاندا 223 ادام «ءۇسۋ» دياگنوزىمەن دارىگەرگە جۇگىندى. ونىڭ 73 ءسى اۋرۋحاناعا جاتقىزىلسا، 150 ىنە ەمحانادا كومەك كورسەتىلگەن. ناۋقاستاردىڭ جاعدايى تۇراقتى»، - دەپ حابارلادى ۆيتسە-مينيستر.
ەسكە سالا كەتسەك، قازگيدرومەت قازاقستاننىڭ بىرنەشە وبلىسىندا اۋا رايىنىڭ كۇرت سۋىتاتىنىن ەسكەرتتى.
«24-29- قاڭتار ارالىعىندا الماتى، جامبىل وبلىستارىندا، 26-29- قاڭتار اراسىندا وڭتۇستىك قازاقستان مەن قىزىلوردا وبلىستارىندا اۋا تەمپەراتۋراسى تومەندەپ، تۇندە 15-20 گرادۋس اياز (كەي جەرلەردە 25-30) تۇسەدى. بىرتىندەپ ول 20-25 گرادۋسقا دەيىن (كەي جەرلەردە 30-35) جەتۋى مۇمكىن.
استانا قالاسىندا ايازدى كۇندەرى 28 ادامدى ۇسىك شالدى.
