ءپىتىر ساداقا ەلىمىز بويىنشا جان باسىنا 200 تەڭگە بولىپ بەكىتىلدى
بۇل تۋرالى بۇگىن قازاقستان مۇسىلماندارى ءدىني باسقارماسىنىڭ نايب ءمۇفتيى، «نۇر استانا» ورتالىق مەشىتىنىڭ باس يمامى ناۋرىزباي قاجى تاعان ۇلى ءمالىم ەتتى.
«ءپىتىر ساداقانى رامازان ايىنىڭ باسىنان ايت نامازىنا دەيىن بەرۋگە بولادى. بيىل ءپىتىر ساداقا ەلىمىز بويىنشا جان باسىنا 200 تەڭگە بولىپ بەكىتىلدى»، - دەدى ول.
سونىمەن قاتار ول استانا قالاسىنداعى بارلىق مەشىتتەر رامازان ايىنا قولدان كەلگەنشە دايىندالىپ جاتقاندىعىن باسا اتاپ ءوتتى.
«ازىرەت سۇلتان» مەشىتى، «نۇر استانا» مەشىتتەرى 400-500 ادامعا ارنايى اۋىزشارالار وتكىزەدى. سونىمەن قاتار، ءاربىر مەشىت ءوز دەڭگەيىندە قايىرىمدىلىق شارالارىمەن اينالىسۋعا دايىندالىپ جاتىر. قايىرىمدىلىق شارالارى كوبىنەسە قارتتار ۇيىنە، جەتىمدەر ۇيىنە، بولماسا، كوپ بالالى ۇيلەرگە باعىتتالادى. سونىمەن قاتار، قاتتى سىرقات، ءبىراق ەمىنە قاراجات جەتپەگەن جاندارعا كومەكتەسۋ جوسپاردا بار»، - دەدى ناۋرىزباي قاجى تاعان ۇلى.
اۆتور: مارلان جيەمباي
