شىمكەنتتە وتكەن پرەزيدەنت شىرشاسىندا 200 بالاعا نوۋتبۋك بەرىلدى

استانا. قازاقپارات - بۇگىن شىمكەنتتەگى «وڭتۇستىك سيرك» عيماراتىندا «ءبىز ماڭگىلىك ەل بولامىز!» تاقىرىبى اياسىندا وتكەن ق ر پرەزيدەنتىنىڭ جاڭا جىلدىق شىرشاسىندا وڭتۇستىك قازاقستان وبلىسىنىڭ اكىمى اسقار مىرزاحمەتوۆ بالالاردى مەرەكەمەن قۇتتىقتاپ، پرەزيدەنتتىڭ اتىنان 200 بالاعا نوۋتبۋك بەردى، دەپ حابارلايدى Bnews.kz ءتىلشىسى.

اۋەلى مەرەكەلىك شىرشاعا قاتىسقان بالالارعا تەلەەكران ارقىلى ەلباسى ن. نازاربايەۆتىڭ ارنايى قۇتتىقتاۋىن تىڭدادى. سودان كەيىن بالالار الپامىس، قوبىلاندى باتىر تۋرالى شىعارمالار مەن سيقىرلى ماتەماتيكا كىتابى مەن ءتۇرلى تاتتىلەردى سىيعا الدى.

ال وبلىس اكىمى اسقار مىرزاحمەتوۆ بالالاردى مەرەكەمەن قۇتتىقتاپ، پرەزيدەنتتىڭ اتىنان 200 بالاعا نوۋتبۋك بەردى. پرەزيدەنتتىك وليمپياداعا قاتىسىپ، جۇلدەلى II ورىندى يەلەنگەن وڭتۇستىك قازاقستاندىق ەكى وقۋشى كەنتاۋ قالاسىنداعى «دارىن» مەكتەبىنىڭ وقۋشىسى اسيا حۋزياحمەتوۆا مەن شاردارا قالاسىنداعى №3 «دارىن» مەكتەبىنىڭ وقۋشىسى اسىلحان نۇرعالي ارنايى ماراپاتتالدى.