جوعالعان رەسەيلىك عارىش اپپاراتىنىڭ قۇنى 200 ميللين ەۋرودان اسادى
اپپارات «كوسمي چەسكايا سۆياز» مەملەكەتتىك كاسىپورنىنىڭ تاپسىرىسى بويىنشا ازىرلەنگەن. سوندىقتان، ساقتاندىرىلۋى ءتيىس.
ايتا كەتەيىك، «ەكسپرەسس- АМ4Р» سپۋتنيگىن جاساۋ تۋرالى كەلىسىم- شارتقا 2011 -جىلى جەلتوقساندا قول قويىلعان. ونى ەۋروپالىق EADS Astrium كومپانياسى شىعارعان.
اپات بولعان «پروتون- م» زىمىران- تاسىعىشى كۇل- پارشاسى شىعىپ، اۋەدە تولىق ورتەنىپ كەتتى. رەسەيدىڭ فەدەرالدى عارىش اگەنتتىگى وسىلاي سەندىرىپ وتىر.
«روس كوسموستىڭ» اقپارىنشا، «ەكسپرەسس- АМ4Р» بايلانىس سپۋتنيگىن وربيتاعا جەتكىزبەك بولعان زىمىران تاسىعىش «بايقوڭىر» عارىش ايلاعىنان تاڭعى 3 ساعات 42 مينۋتتا ۇشىرىلعان. ءبىراق 540- سەكۋندتا ءۇشىنشى بولىگى اجىرايتىن ساتتە اپاتقا ۇشىراعان. «قۇلاعان «پروتون- م- نىڭ» بۇكىل بولشەكتەرى جانە وتىن كومپونەنتتەرى جەرگە جەتپەستەن اتموسفەرانىڭ تىعىز قاباتتارىندا ورتەنىپ كەتتى»، - دەيدى «روسكوسموستىڭ» قازىرگى باسشىسى ولەگ وستاپەنكو.
ال اپات جاعدايىنىڭ سەبەپتەرىن انىقتاۋ جونىندەگى كوميسسيا «بريز- م» ايداۋشى بلوگى جانە «ەكسپرەسس- АМ4Р» بايلانىس اپپاراتى دا ورتەنىپ كەتكەندىگىن راستاۋدا.
ايتا كەتەيىك، بۇل سپۋتنيك ەڭ وزىق بايلانىس سپۋتنيكتەرى كلاسىنا جاتادى. ول رەسەي جانە ت م د ەلدەرىن مۇلتىكسىز بايلانىسپەن قامتاماسىز ەتۋى ءتيىس بولعان. مامانداردىڭ بولجامى بويىنشا، «پروتون- م» بولشەكتەرى تىنىق مۇحيتى اكۆاتورياسىنا نەمەسە التاي وڭىرىنە قۇلادى. قازىر «بايقوڭىردان» «پروتوندى» ۇشىرۋ ازىرگە توقتاتىلدى. جوسپارداعى 15- شىلدەدەگى ۇشىرىلىم دا كەيىنگە شەگەرىلدى.
ەسكە سالايىق، وتكەن جىلى شىلدەدە بايقوڭىردان ۇشىرىلعان «پروتون- م» زىمىران تاسىعىشى كوككە كوتەرىلىسىمەن، جەرگە قۇلاپ، جارىلعان- دى. سالدارىنان جۇزدەگەن توننا ۋلى گەپتيل توگىلدى. قازاقستاننىڭ قورشاعان ورتا جانە سۋ رەسۋرستارى مينيسترلىگى اپاتتان كەلگەن زارداپ كولەمىن ەسەپتەپ شىعاردى. تابيعاتقا كەلگەن شىعىن مولشەرى 13 ميلليارد تەڭگەگە باعالاندى. الايدا زالال مولشەرى بەلگىلەنگەنىمەن، رەسەي تاراپى وتەماقى تۋرالى ءالى ءتىس جارماي وتىر.
جۇراعات بامان
«استانا» ارناسى
