الماتىدا 2000 وقۋشى توعىزقۇمالاق ويناپ، گيننەس رەكوردىن ورناتادى

استانا. قازاقپارات – 9- قىركۇيەكتە توعىزقۇمالاق كۇنىنە وراي الماتى قالاسىندا توعىزقۇمالاقتان سايىس وتەدى.

وعان 2000 نان استام جوعارى سىنىپ وقۋشىلارى قاتىسادى. ولاردىڭ ماقساتى — قازاقستاننىڭ گيننەس رەكوردتار كىتابىنا ەنۋ، دەپ حابارلايدى ق ر وقۋ- اعارتۋ مينيسترلىگىنىڭ باسپا ءسوز قىزمەتى.

توعىزقۇمالاق - قازاقتىڭ ۇلتتىق ءداستۇرلى ويىندارىنىڭ ءبىرى. سونداي- اق 2020 -جىلى توعىزقۇمالاق يۋنەسكو شەشىمىمەن ادامزاتتىڭ مادەني مۇرالارى تىزىمىنە ەنگىزىلگەن.

ايتا كەتەيىك، اتالمىش شارا قازاقستان رەسپۋبليكاسىنىڭ تۇڭعىش پرەزيدەنتى اتىنداعى ساياباقتا ساعات 10:00 دە وتەدى.

سونىمەن قاتار 2023 -جىلدىڭ 21-24- قىركۇيەگى ارالىعىندا الماتى قالاسىنداعى ADD ۇستەل تەننيسى ورتالىعىندا راپيد جانە بليتس بويىنشا وقۋشىلار اراسىندا (U-15, U-17) توعىزقۇمالاقتان الەم چەمپيوناتى ۇيىمداستىرىلادى. تۋرنيرگە الەمنىڭ 20 ەلىنەن 150 دەن استام ويىنشى قاتىسادى.