15:13, 28 - تامىز 2015 | GMT +5
قىتايدا 2000 جىلدىق جۇمىرتقا تابىلدى
استانا. قازاقپارات - ارحەولوگتار قىتايدىڭ وڭتۇستىك باتىسىنداعى گۋيجۋ پروۆينتسياسىنان سارسەنبى كۇنى 2000 جىلدىق جۇمىرتقا تاپقانىن جاريالادى، دەپ حابارلادى شينحۋا.

پروۆينتسياداعى مادەني جادىگەرلەر مەن ارحەولوگيا ينستيتۋتىنىڭ زەرتتەۋشىلەرى حۋانتسزينۆان ۇيىندىلەرىنەن حان اۋلەتى زامانىنان /ب. ز. د 202 ج. - ب. ز. 220 ج./ ساقتالعان جۇمىرتقا تاپتى.
«جۇمىرتقانى قابىعىنداعى باتپاقتان تازارتۋعا تىرىستىق. الايدا شوتكەنىڭ قىلدارى تيگەن مەزەتتە ول جارىلدى»، دەدى 2009 -جىلى انىقتالعان ءۇيىندى قازبالارىنا باسشىلىق ەتەتىن چجان گايكە.
ونىڭ ايتۋىنشا، بۇل حان جانە ودان بۇرىنعى شان مەن چجۋ كەزەڭدەرىندە جەرلەۋدىڭ ءتۇر- ءتۇرى بولعانىن ايعاقتايدى.
«شان جانە چجۋ اۋلەتتەرى باسقارعان كەزدە ادامدار قولا بۇيىمدارمەن جەرلەنگەن. الايدا حان كەزەڭىندە قايتىس بولعانداردى كۇندەلىكتى پايدالانعان زاتتارمەن قوسا جەرلەگەن"، - دەدى چجان گايكە.