09:32, 29 - جەلتوقسان 2014 | GMT +5
يسلام مەملەكەتىنىڭ سودىرلارى سيريادا 2000 عا جۋىق ادامدى ءولتىردى
استانا. قازاقپارات - سوڭعى بەس التى ايدىڭ ىشىندە «يسلام مەملەكەتىنىڭ» سودىرلار توبى سيريادا ەكى مىڭعا جۋىق ادامدى اتتى، باسىن شاۋىپ تاستادى جانە تاسپەن اتقىلاپ ءولتىردى، دەپ حابارلادى سيريالىق قۇقىق قورعاۋشىلار،
دەپ جازادى بي- بي- سي.
لوندوندا ورنالاسقان ادام قۇقىعى ءۇشىن مونيتورينگ سيريالىق ورتالىعىنىڭ بەلسەندىلەرى شامامەن 1200 بەيبىت ازاماتتار ولتىرىلگەنىن مالىمدەدى.
ورتالىقتىڭ حابارلاۋىنشا، جيھادشىلار شامامەن تۇتقىنعا الىنعان 500 اسكەريلەردى جانە ۇكىمەتتىك جاساقتار وكىلدەرىن قىرعان.
سونداي- اق يسلام مەملەكەتىنىڭ يسلامشىلارى 100 دەن استام وزدەرىنىڭ سودىرلارىن قاشۋعا ارەكەت جاساعانى ءۇشىن، سونداي- اق «نۋسرا مايدانى» راديكالىق توبىنىڭ 80 وكىلىن ولتىرگەنى اتاپ وتىلگەن.
