200 ميلليارد تەڭگەگە جۋىقتادى: سۋ تاسقىنى كەزىندە قاي كاسىپكەر ەڭ كوپ قارجى ءبولدى

استانا. KAZINFORM - وتاندىق بيزنەس وكىلدەرى سۋ تاسقىنىنان زارداپ شەككەن جاندارعا بەلسەندى قولداۋ كورەسەتىپ جاتىر. ءىرى كاسىپكەرلەر مەن كومپانيالار قايىرىمدىلىق قورلارى ارقىلى تەحنيكا، گۋمانيتارلىق جانە قارجىلاي كومەك كورسەتۋدە. بۇگىندە قايىرىمدىلىق قورىنا تۇسكەن جالپى سوما 190 ميلليارد تەڭگەدەن استى.

ەۋرازيالىق توپتىڭ (ERG) اكسيونەرلەرى سۋ تاسقىنىنان زارداپ شەككەن قازاقستاندىقتارعا كومەككە 40 ميلليارد تەڭگە ءبولدى. اقشا سۋ باسقان ەلدى مەكەندەردەگى ۇيلەر مەن ينفراقۇرىلىمدى قالپىنا كەلتىرۋگە جۇمسالادى. بۇعان دەيىن ERG 500 ميلليون تەڭگە، ال «ەۋرازيالىق بانك» 450 ميلليون تەڭگە بولگەن ەدى.

قازاقمىس، KAZ Minerals، التىنالماس، قاراجىرا جانە RBK Bank كومپانيالار توبى سۋ تاسقىنىنان زارداپ شەككەن قازاقستاندىقتارعا كومەك كورسەتۋ ءۇشىن قوسىمشا 40 ميلليارد تەڭگە بولەدى. بولىنگەن قاراجات ينفراقۇرىلىمدى قالپىنا كەلتىرۋگە جانە الەۋمەتتىك نىسانداردى، ونىڭ ىشىندە بالاباقشالاردى، مەكتەپتەردى، اۋرۋحانالاردى، سونداي-اق تۇرعىن ۇيلەردى سالۋعا باعىتتالادى.

كاسىپكەر تيمۋر ق ۇلىبايەۆ اتىراۋ وبلىسىن قالپىنا كەلتىرۋگە 30 ميلليارد تەڭگە ءبولدى. اقشا تۇرعىن ۇيلەردى قايتا جوندەۋ جانە سالۋعا، ينفراقۇرىلىمدى قالپىنا كەلتىرۋگە، سونداي-اق تابيعي اپاتتان زارداپ شەككەن ازاماتتاردى قولداۋعا جۇمسالادى.

Kaspi.kz- ءتىڭ تەڭ قۇرىلتايشىلارى ۆياچەسلاۆ كيم مەن ميحايل لومتادزە سۋ تاسقىنى كەزىندە زارداپ شەككەن قازاقستاندىقتارعا كومەكتەسۋ ءۇشىن 20 ميلليارد تەڭگە اۋدارادى. بولىنگەن قاراجات سولتۇستىك قازاقستان جانە اقمولا وبلىستارىنا تۇرعىن ءۇيدى قالپىنا كەلتىرۋگە، ساتىپ الۋعا جانە سالۋعا جۇمسالماق. بۇعان دەيىن قازاقستاندىقتار «Biz birgemiz Qazaqstan» قورىنان شامامەن 80 ميلليون تەڭگە جيناعان، ال Kaspi.kz بۇل سومانى 200 ميلليون تەڭگەگە دەيىن ۇلعايتتى.

«سامۇرىق-قازىنا»، «قازمۇنايگاز»، «قازاتومونەركاسىپ»، «قازاقستان تەمىر جولى»، «قازاقگاز»، «Kegoc»، «قازاقتەلەكوم»، «ەير استانا»، «سامۇرىق-ەنەرگو» قورىنىڭ كورپوراتيۆتىك ورتالىعى سۋ تاسقىنىنان زارداپ شەككەن جاندارعا كومەك كورسەتۋ ءۇشىن «Samruk-Kazyna Trust» قايىرىمدىلىق قورىنا 15 ميلليارد تەڭگە اۋداردى.

ەلىمىزدەگى سۋ تاسقىنى سالدارىمەن كۇرەسكە ۇلەسىن قوسقان كاسىپكەرلەر مەن كومپانيالار:

ERG - 40,5 ميلليارد تەڭگە؛

«قازاقمىس»، KAZ Minerals، «التىنالماس»، «قاراجىرا» جانە RBK Bank - 40 ميلليارد تەڭگە؛

تيمۋر قۇلىبايەۆ - 30 ميلليارد تەڭگە؛

ۆياچەسلاۆ كيم جانە ميحايل لومتادزە - 20 ميلليارد تەڭگە؛

«سامۇرىق-قازىنا» - 15 ميلليارد تەڭگە؛

«قازاقستان حالقىنا» قورى - 10 ميلليارد تەڭگە؛

بولات وتەمۇراتوۆ - 10 ميلليارد تەڭگە؛

نۇرلان سماگۇلوۆ - 6,1 ميلليارد تەڭگە؛

BI Group - 5,5 ميلليارد تەڭگە؛

Allur - 3,2 ميلليارد تەڭگە؛

«تەڭىزشەفرويل» - 2 ميلليارد تەڭگە؛

كەڭەس راقىشەۆ جانە اسەل تاسماگامبەتوۆا - 1,2 ميلليارد تەڭگە؛

Halyk bank - 1 ميلليارد تەڭگە؛

Orbis Group - 1 ميلليارد تەڭگە؛

QazaqGaz - 1 ميلليارد تەڭگە؛

Freedom Holding - 1 ميلليارد تەڭگە؛

بولات وتەمۇراتوۆ قورى - 680 ميلليون تەڭگە؛

«قازاقستان حالقىنا» قورى ارقىلى وزگەدە زاڭدى تۇلعالار - 650 ميلليون تەڭگەدەن اسا؛

Astana Motors - 500 ميلليون تەڭگە؛

ەۋرازيالىق بانك - 450 ميلليون تەڭگە؛

Kusto Group - 400 ميلليون تەڭگە؛

ن. نازاربايەۆتىڭ مادەنيەت، ءبىلىم جانە الەۋمەتتىك باعدارلامالار قورى - 300 ميلليون تەڭگە؛

Mabco constructions s.a. - 250 ميلليون تەڭگە؛

B A Contractors SA - 250 ميلليون تەڭگە؛

Qarmet - 200 ميلليون تەڭگە؛

Kaspi.kz - 200 ميلليون تەڭگە؛

QazTehna - 100 ميلليون تەڭگە؛

«يستكومترانس» ج ش س - 100 ميلليون تەڭگە.