يسپانيادا 200 شاقىرىمدى 4 مينۋتتا ەڭسەرەتىن «ۇشاتىن تاكسيلەر» قاتىناي باستادى
ماماندار 5 جىل تەر توككەن «ۇشاتىن تاكسيلەر» تۋريستەرگە ارنالىپ جاسالعان، دەپ حابارلايدى «حابار 24» ارناسى.
تەلەرنا مالىمەتىنشە، «ۇشاتىن تاكسيلەر» يسپانيانىڭ مايوركا قالاسى مەن يبيتسا ارالى اراسىندا قاتىناي باستاعان. تاكسي-ۇشاقتاردىڭ تاعى ءبىر ارتىقشىلىعى ەلەكتردەن قۋات الادى ياعني قورشاعان ورتاعا زيانى از.
تاكسيدەگى ورىن سانى بەسەۋ، ءبىر جولاۋشى 710 ەۋرو، شامامەن 342 مىڭ تەڭگە تولەيدى.
«ءبىز پيلوتتىق جوبانى ءبىر اي بويى سىناقتان وتكىزەمىز. ەگەر سۇرانىس كوپ بولسا، تاكسي يسپانيانىڭ باسقا دا قالالارى اراسىندا قاتىنايدى. بۇل ەلەكترلى قوزعالتقىشپەن جۇرەتىن تىكۇشاقتاردىڭ جاڭا بۋىنى»، - دەيدى ءوندىرىس كومپانياسىنىڭ باس ديرەكتورى كارلوس پوۆەدا. ماماندار «ۇشاتىن تاكسيلەردى» ينتەللەكتۋالدىق ترانسپورت تۇرىنە جاتقىزىپ وتىر. ويتكەنى كولىكتى قۇراستىرۋ كەزىندە اەروعارىشتىق تەحنولوگيالار مەن يننوۆاتسيالىق شەشىمدەر قولدانىلعان.
«باستاپقىدا ءبىر ۇشاقتىڭ سالماعى 720 ك گ ەدى، ال قۋاتى نەبارى 60 شاقىرىمعا عانا جەتەتىن. قازىر ءبىز ونىڭ سالماعىن 550 ك گ-عا دەيىن تۇسىردىك، ناتيجەسىندە 200 شاقىرىمدى وڭاي ەڭسەرە الاتىن بولدى»، - دەيدى تەحنيكالىق ديرەكتور حاۆەر رومو.
