استانالىقتار ەكسپو اياقتالاردا 200-300 مىڭنىڭ بۇيىمدارىن جانتالاسىپ الىپ جاتىر - فوتو
ولاردىڭ باعاسى 200-300 مىڭ تەڭگەگە دەيىن بارادى دەپ حابارلايدى NUR. KZ.
كادەسىيلاردى بارلىق دەرلىك ەلدىڭ پاۆيلوندارى ساتىپ جاتىر. ولار ءوز ەلىنەن اكەلىنگەن بۇيىمداردى ايتارلىقتاي سالماقتى باعاعا ساتۋدا. سوعان قاراماستان، حالىق كادەسىيلاردى الۋعا اقشاسىن اياماۋدا.
ماسەلەن شري-لانكانىڭ پاۆيلونىندا التىن مەن كۇمىس بىردەن ساتىلىپ كەتىپ جاتىر.
اسىرەسە قىمبات تاستارمەن بەزەندىرىلگەن القالار ۇلكەن سۇرانىسقا يە. ساتۋشىلار 186 مىڭ تەڭگەلىك ساپفير تاسىنان جاسالعان مىنا القانىڭ ونداعان داناسىن ساتىپ ۇلگەرگەنىن ايتۋدا.
ال ارزانداۋ تۇراتىن 30-50000 تەڭگەلىك القالار، ءتىپتى تەز ساتىلادى.
«قازاقستاندىقتار ءبىزدىڭ كيىمدى ءجيى ساتىپ الادى. 18000 تەڭگەلىك پونچو، 15000 تەڭگەلىك جەيدە - بۇل قىمبات دەپ ويلايسىز با؟»، - دەيدى شري-لانكالىقتار.
موناكو پاۆيلونىندا سۋرەتكە تۇسىرۋگە رۇقسات جوق. دەگەنمەن ءبىز جاسىرىن تۇردە مىنا كادەسىيدى سۋرەتكە ءتۇسىرىپ الدىق. بۇل ەنەكە مەن كەرىكتىڭ جۇنىنەن جاسالعان ەرلەرگە ارنالعان بىلەزىك. قالتالى استانالىقتار بۇل بۇيىمدى ءجيى ساتىپ الىپ جاتادى.
باعاسى - 235600 تەڭگە. بىزگە قۇپياسىن اشقان پاۆيلون وكىلدەرى اتالمىش بىلەزىكتىڭ ديزاينىن قۇرۋعا موناكو پاتشايىمىنىڭ ءوزى اتسالىسقان بولۋى مۇمكىن ەكەنىن ايتىپ بەردى.
شۆەيتسارياعا وتەيىك - مۇندا بىلەزىكتەن بولەك ناعىز شۆەيتساريالىق ساعات ساتىپ الۋعا بولادى. ماسەلەن، Tissot فيرماسىنىڭ ساعاتتارى.
ەڭ ارزانى - 133000 تەڭگە، الايدا قازاقستاندىقتار 208-217000 تەڭگەلىگىن ساتىپ الۋدا. 322000 تەڭگەلىك ساعاتتار دا جاقسى ساتىلىپ جاتىر.
كورمەدە اقىلعا قونىمدى باعامەن ساتىلاتىن بۇيىمدار دا بارشىلىق. ماسەلەن، ءۇندى شىتتارى مەن اشەكەيلەرى، تايلاندتىق ەكزوتيكالىق ازىق-تۇلىك، گرۋزين شارابى، چەحيالىق سىرا. ولاردى جانە وزگە دە قىزىق بۇيىمداردى 2-5-10 مىڭ تەڭگەگە ساتىپ الۋعا بولادى.
ايتپاقشى، مالايزيا پاۆيلونىندا 24000 تەڭگەلىك شىتتار مەن 12000 تەڭگەلىك حيدجاب ساتىلىپ جاتىر.
