جاياۋ ساياحاتشى: 20 كۇندە 820 شاقىرىم جول ءجۇردىم

اتىراۋ. قازاقپارات - اتىراۋدان الەمدى جاياۋ ارالاۋعا شىققان ساياحاتشى سارسەنباي قوتىراشوۆ 20 كۇندە 820 شاقىرىم جول ءجۇردى.

ول شەشەنستان استاناسى گروزنىي قالاسىنا جاقىندادى، دەپ حابارلايدى قازاقپارات ءتىلشىسى.

«مىنە، وستار، گروزنىيعا دا جەتىپ قالدىم. 20 كۇندە 820 شاقىرىمداي جول ءجۇردىم. ءار ەل مەن قالالاردى ءوزىم ءۇشىن اشقان سايىن ءومىرىمنىڭ ءمانى ارتىپ كەلەدى»، - دەپ جازدى الەۋمەتتىك جەلىدەگى پاراقشاسىندا. ۇلىتاۋ وبلىسىنىڭ تۋماسى سارسەنباي قوتىراشوۆ اتىراۋدان 2-تامىزدا جولعا شىققان ەدى.

ونىڭ ساپارى ءۇش كەزەڭگە جوسپارلانعان. العاشقى مارشرۋتى - قازاقستان، رەسەي، گرۋزيا، تۇركيا ەلدەرىنە بارۋ. بۇل ەلدەردى ارالاۋ ءۇشىن 100 كۇندە 3 مىڭ شاقىرىمعا جۋىق جول جۇرەدى.

ەكىنشى كەزەڭدەگى 180 كۇندە 9 شاقىرىم جول ءجۇرىپ، تۇركيا، فرانسيا، ا ق ش ەلدەرىنە ساياحاتتايدى. ال 130 كۇنگە سوزىلاتىن ءۇشىنشى كەزەڭدى اقش- تان باستايدى. قىتاي، موڭعوليا، رەسەي ارقىلى 4 مىڭ شاقىرىمدى ارتقا تاستاپ، قازاقستانعا ورالۋدى كوزدەپ وتىر.

جاياۋ ساپارىن 2025 -جىلعى تامىزدا اياقتايتىن سارسەنباي قوتىراشوۆ ەكى جىلدا 16210 شاقىرىم جول ءجۇرۋدى ماقسات ەتكەن.

«مەنىڭ ۇستانىمىم - ساياحاتتاۋ ەشقاشان كەش ەمەس. الەم ەلدەرىن جاياۋ ارالاعان قازاق قارياسىنىڭ اتىن گيننەستىڭ رەكوردتار كىتابىنا تىركەپ، الەمدىك رەكورد ورناتسام دەيمىن. ەڭ باستىسى، بەيبىتشىلىكتى ناسيحاتتاپ، جاھان ەلدەرىن ىنتىماققا شاقىرعىم كەلەدى. بۇل جولعى جاياۋ ساياحاتىم - وتە جاۋاپتى ساپار. سول سەبەپتەن الەم ەلدەرىنە ساياحاتىمدى ءساتتى وتكىزۋ ءۇشىن كۇنىنە 30-40 شاقىرىمداي جاياۋ جۇرەمىن»، - دەگەن ەدى سارسەنباي قوتىراشوۆ.

جاھاندى جاياۋ ارالاۋعا شىققان ۇلىتاۋلىق اقساقال 8-تامىزدا رەسەي شەكاراسىنا جەتكەنىن حابارلاعان ەدىك.

ەگدە جاستاعى ساياحاتشى اتىراۋ وبلىسىنداعى جولدىڭ ناشارلىعىنا قىنجىلىس بىلدىرگەنىن جازعان بولاتىنبىز.