شىمكەنتتە 20 ەتنومادەني بىرلەستىك 20 قوي سويىپ، 20 قازان ەت استى - فوتو
ءىس-شاراعا وبلىس اكىمىنىڭ ورىنباسارى ە. ايتاحانوۆ، زيالى قاۋىم وكىلدەرى، ەتنومادەني بىرلەستىكتەردىڭ ءتوراعالارى مەن وكىلدەرى، وبلىستىق قازاقستان حالقى اسسامبلەياسى جانىنداعى انالار كەڭەسىنىڭ مۇشەلەرى، اۋدان، قالالاردان ارنايى شاقىرىلعان دەلەگاتسيالار جالپى 300 گە جۋىق ادام قاتىستى.
وڭىرىمىزدە تۇڭعىش رەت وتكەن «ەت اسۋ» فەستيۆالىندە 20 ەتنومادەني بىرلەستىك 20 قوي سويىپ، 20 قازاندا ارنايى اس ازىرلەدى.
ەتنومادەني بىرلەستىك وكىلدەرى قازاقتىڭ ۇلتتىق تاعامىن مەيىلىنشە ساپالى دايىنداۋدان، قوناقتارعا تاباق تارتۋدان، سورپانىڭ قۇنارلىلىعىنان جانە قوي ەتىن ءپىسىرۋ كەزىندە جىلقىنىڭ قازى-قارتا، جال-جاياسىن ۇتىمدى پايدالانۋ سىندى ەرەكشەلىكتەردەن سايىسقا ءتۇستى.
دايىندالعان ەتتىڭ ءبىر بولىگى «قايىرىمدىلىق كەرۋەنى» اكسياسى اياسىندا قالاداعى تۇرمىسى تومەن وتباسىلارعا تاراتىلدى.
ايتا وتەيىك، وڭتۇستىك قازاقستان وبلىستىق قازاقستان حالقى اسسامبلەياسى جانە «قوعامدىق كەلىسىم» كوممۋنالدىق مەملەكەتتىك مەكەمەسىنىڭ ۇيىتقى بولۋىمەن ۇيىمداستىرىلعان ءىس-شارانى الداعى ۋاقىتتا وبلىستا ءداستۇرلى تۇردە جالعاستىرۋ كوزدەلۋدە.
