قازاقستاندا 2,7 ميلليون ادام ءالى دە ءۇي تەلەفونىن قولدانادى

استانا. قازاقپارات - ۇلتتىق ستاتيستيكا بيۋروسى ەلىمىزدە جىلدان جىلعا تىركەلگەن تەلەفون جەلىلەرىنىڭ سانى ازايىپ كەلە جاتقانىن مالىمدەدى، دەپ حابارلايدى قازاقپارات.

«2023-جىلعى قاڭتار-شىلدەدە قازاقستاندا تىركەلگەن تەلەفون جەلىلەرىنىڭ سانى 2,7 ميلليون بىرلىكتى قۇرادى، بۇل 2022-جىلعى ءتيىستى كەزەڭگە قاراعاندا %6,4 از. ونىڭ ىشىندە 2,1 ميلليون قولدانۋشى - حالىق، قالعانى - كاسىپورىندار»، - دەپ جازدى مەكەمەدەن.

بىلتىر تىركەلگەن تەلەفون جەلىلەرىنىڭ ەڭ كوپ سانى الماتىدا بولعان - 466,6 مىڭ بىرلىك، ءبىر جىل ىشىندە كورسەتكىش 23 مىڭعا ازايدى. بۇدان ءارى استانا - 226,7 مىڭ ابونەنت، ءبىر جىلدا 20 مىڭ جەلى اعىتىلىپ تاستالدى. ابونەنتتەر سانى بويىنشا العاشقى ۇشتىكتە قاراعاندى وبلىسى - 220,8 مىڭ بىرلىك، ءبىر جىل ىشىندە 49,3 مىڭ جەلىگە ازايدى.

ايتا كەتۋ كەرەك، 5 جىل ىشىندە تەلەفون جەلىلەرىنىڭ سانى %11,6 ازايدى. ەگەر 2018-جىلى جەلىلەر سانى 3,2 ميلليون بىرلىكتى قۇراسا، 2022-جىلى ولاردىڭ سانى 2,8 ميلليون بولدى.