دۇنيەجۇزىلىك دەنساۋلىق ساقتاۋ ۇيىمى قازاقستانعا 2,7 ميلليون دوللاردىڭ مەديتسينالىق قورعانىس قۇرالدارىن جەتكىزدى
«الماتى اۋەجايىنا قازاقستاندىق مەديتسينا ماماندارى ءۇشىن جەكە قورعانىس قۇرالدارى تيەلگەن بورت كەلىپ قوندى. جەتكىزىلىمدى قازاقستانداعى د د س ۇ ەلدىك كەڭسەسى ۇيىمداستىردى. جۇك پارتياسىندا مەديتسينالىق ماماندارعا ارنالعان قاجەتتى جەكە قورعانىس قۇرالدارى بار. رەسپيراتور جانە مەديتسينا ماسكاسى (بەتپەردە)، بەتكە ارنالعان قورعانىس ەكرانى مەن كوزىلدىرىك، سونداي-اق قورعاعىش حالاتتار. 53 توننادان استام جۇكتىڭ جالپى باعاسى 2,7 ميلليون ا ق ش دوللارى»، دەلىنگەن حابارلامادا.
«covid-19 ىندەتىمەن كۇرەستە مەديتسينالىق قىزمەتكەرلەردىڭ باستى ءرول اتقارادى. ولار ءوزىن جانە ەمدەلۋشىلەرىن ينفەكتسيا جۇقتىرىپ الۋدان قورعاۋى جانە ينفەكتسيانىڭ قورشاعان ورتاعا تارالۋىنا جول بەرمەۋ ءۇشىن قاجەتتى قورعانىس قۇرالدارمەن قامتاماسىز ەتىلۋى ءتيىس»، - دەدى قازاقستانداعى د د س ۇ ەلدىك كەڭسەسىنىڭ باسشىسى كەرولاين كلارينۆال.
د د ۇ قازاقستاننىڭ ىندەتپەن كۇرەسۋىنە قولداۋ كورسەتۋ ءۇشىن تەحنيكالىق ساراپتاما جاساۋعا جانە مەديتسينالىق جۇك جەتكىزۋىن جالعاستىرادى.
